സ്‌ക്കൂട്ടര്‍ മോഷ്ടാവിനെ പയ്യന്നൂര്‍ പോലീസ് അറസ്റ്റ് ചെയ്തു-
പയ്യന്നൂര്‍: യുവതിയുടെ സ്‌കൂട്ടര്‍ മോഷ്ടിച്ച ഓലയമ്പാടി സ്വദേശി അറസ്റ്റില്‍.
എടയന്നൂര്‍ റോഡിലെ എം.കെ.ഫൈസല്‍ (23)നെയാണ് അറസ്റ്റ് ചെയ്തത്.
സപ്തംബര്‍ 22 ന് പയ്യന്നൂര്‍ പോലീസ് ക്വാര്‍ട്ടേഴ്‌സിന് സമീപം നിര്‍ത്തിയിട്ടിരുന്ന അന്നൂര്‍ കാറമേല്‍ സ്വദേശിയും പിഗ്മി കളക്ഷന്‍
ഏജന്റുമായ ടി.വി.ഷീബയുടെ ഒരു ലക്ഷം രൂപ വിലവരുന്ന കെ.എല്‍-8 എ 5144 നമ്പര്‍ ടി.വി.എസ്.ജൂപ്പിറ്റര്‍ സ്‌കൂട്ടര്‍ മോഷ്ടിച്ചത്.
പയ്യന്നൂര്‍ എസ്.ഐ കെ.വി.മുരളി, അഡീഷണല്‍ എസ്.ഐ എ.ജി.അബ്ദുല്‍റൗഫ് എന്നിവര്‍ ചേര്‍ന്നാണ് പ്രതിയെ പയ്യന്നൂര്‍ പഴയ ബസ്റ്റാന്റ് പരിസരത്തുവെച്ച് അറസ്റ്റ് ചെയ്തത്.
നേരത്തെ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചതിന് പരിയാരം പോലീസ് സ്‌റ്റേഷനിലും കഞ്ചാവ് കൈവശം വെച്ചതിന് പയ്യന്നൂര്‍ സ്‌റ്റേഷനിലും ഫൈലിനെതിരെ കേസ് നിലവിലുണ്ട്.