സേവാദള്‍ ശുചീകരണസേവ തുടരുന്നു-എരമം-കുറ്റൂര്‍ പ്രാഥമികാരോഗ്യകേന്ദ്രം ശുചീകരിച്ചു.
മാതമംഗലം: കോണ്‍ഗ്രസ് സേവാദള്‍ കണ്ണൂര്‍ ജില്ലാ കമ്മിറ്റിയുടെ നേതൃത്ത്വത്തില്‍ ജില്ലയിലുടനീളം നടത്തുന്ന മഴക്കാല രോഗപ്രതിരോധത്തിന്റെ ഭാഗമായി എരമം-കുറ്റൂര്‍ മണ്ഡലം
സേവാദള്‍ കമ്മിറ്റി എരമം വില്ലേജ് ഓഫീസ് പരിസരം, കുറ്റൂര്‍ പ്രാഥമിക ആരോഗ്യ കേന്ദ്രം എന്നിവിടങ്ങളില്‍ ശുചീകരണം നടത്തി.
കാടുകള്‍ വെട്ടി തെളിച്ചും, കെട്ടി കിടക്കുന്ന വെള്ളം നീക്കംചെയ്തും നടത്തിയ പരിപാടി സേവാദള്‍ കണ്ണൂര്‍ ജില്ലാ പ്രസിഡന്റ് മധുസൂദനന്‍ എരമം ഉദ്ഘാടനം ചെയ്തു.
മണ്ഡലം പ്രസിഡന്റ് കെ.വി.പ്രഭാകരന്‍ അധ്യഷത വഹിച്ചു.
മണ്ഡലം കോണ്‍ഗ്രസ് പ്രസിഡന്റ് എന്‍.വി.ശ്രീനിവാസന്‍, നാരായണന്‍ ചേപ്പാത്തോട്, ടി.വി.ഗിരീഷ്, പി.വി.ജയേഷ്, ഭാര്‍ഗവന്‍ കക്കറ എന്നിവര്‍ നേതൃത്വം നല്‍കി.
അടുത്ത ദിവസങ്ങളിലും ശുചീകരണം തുടരുമെന്ന് ഭാരവാഹികള്‍ അറിയിച്ചു.