സുരക്ഷ ഉറപ്പാക്കും: മേഘ-പ്രവൃത്തി ശരിയല്ലെങ്കില്‍ തടയും മുസ്ലിം ലീഗ്
.
പിലാത്തറ: സംരക്ഷണഭിത്തിയുടെ സ്‌ളാബ് സര്‍വീസ് റോഡിലേക്ക് പതിച്ച സംഭവത്തില്‍ ആശങ്ക വേണ്ടെന്നും, ഇക്കാര്യത്തില്‍ സുരക്ഷ ഉറപ്പുവരുത്തുെമന്നും മേഘ കണ്‍സ്ട്രക്ഷന്‍ കമ്പനി അധികൃതര്‍ മുസ്ലിംലീഗ് പ്രതിനിധി സംഘത്തെ അറിയിച്ചു.
ഇതുമായി ബന്ധപ്പെട്ട് യാത്രക്കാരുടെ ജീവനും വാഹനങ്ങള്‍ക്കും സുരക്ഷ ഉറപ്പ് വരുത്തുന്നതിന്റെ ഭാഗമായി ജനങ്ങളുടെ ആശങ്ക അകറ്റുന്നതിന് വേണ്ടി കല്യാശ്ശേരി മണ്ഡലം മുസ്ലിം ലീഗ് പ്രസിഡന്റ് എസ്.കെ.പി. സക്കരിയയുടെ നേതൃത്വത്തില്‍ മേഘ കണ്‍സ്ട്രക്ഷന്‍ ഓഫീസില്‍ എത്തി ബന്ധപ്പെട്ടവരുമായി സംസാരിച്ചു.
നിരുത്തരവാദിത്തപരമായ പ്രവൃത്തിളാണ് ചെയ്യുന്നതെങ്കില്‍ ഓഫീസ് ഉപരോധം അടക്കമുള്ള സമരപരിപാടികള്‍ നടത്തുമെന്ന് നേതാക്കള്‍ അറിയിച്ചു.
ചെറുതാഴം പഞ്ചായത്ത് മുസ്ലിംലീഗ് നേതാക്കളായ നജ്മുദ്ദീന്‍ പിലാത്തറ, താജുദ്ദീന്‍ പിലാത്തറ, റസാക്ക് ചുമടുതാങ്ങി എന്നിവരും അദ്ദേഹത്തോടൊപ്പം ഉണ്ടായിരുന്നു.