സലാമത്ത് നഗര്‍ വാര്‍ഡില്‍ എസ്.എസ്.എല്‍.സി-പ്ലസ്ടു പരീക്ഷയില്‍ വിജയിച്ച വിദ്യാര്‍ത്ഥികളെ അനുമോദിച്ചു
തളിപ്പറമ്പ്: സലാമത്ത്‌നഗര്‍ വാര്‍ഡില്‍ നിന്നും എസ്.എസ്.എല്‍.സി-പ്ലസ്ടു പരീക്ഷകളില്‍ വിജയിച്ച വിദ്യാര്‍ത്ഥികള്‍ക്കുള്ള വാര്‍ഡ് മുസ്ലിം ലീഗ് – യൂത്ത്‌ലീഗ് കമ്മിറ്റിയുടെ അനുമോദന സദസും രക്ഷിതാക്കള്‍ക്കുള്ള കൗണ്‍സിലിങ് ക്ലാസും അബൂബക്കര്‍ സിദ്ദിഖ് ജുമാമസ്ജിദ് ഓഡിറ്റോറിയത്തില്‍ നടന്നു.
തളിപ്പറമ്പ് മുനിസിപ്പല്‍ മുസ്ലിംലീഗ് പ്രസിഡന്റ് കെ.വി.മുഹമ്മദ്കുഞ്ഞി പരിപാടി ഉദ്ഘാടനം ചെയ്തു.
സലാമത്ത് നഗര്‍ വാര്‍ഡ് ജനറല്‍സെക്രട്ടറി സി.മുനീര്‍ അധ്യക്ഷത വഹിച്ചു.
വാര്‍ഡിലുള്ള പന്ത്രണ്ട് വിദ്യാര്‍ഥികള്‍ക്കുള്ള ഉപഹാരസമര്‍പ്പണം മുനിസിപ്പല്‍ യൂത്ത്‌ലീഗ് പ്രസിഡന്റ് കെ.പി.നൗഷാദിന്റെ നേതൃത്വത്തില്‍ നടന്നു.
വാര്‍ഡ് കൗണ്‍സിലര്‍ കെ.പി.സാഹിദ, അബു നാലാമുറ്റം, സിദ്ദിഖ് ഗാന്ധി, ഷബീര്‍ മുക്കോല, പി.കെ.ഹനീഫ, കെ.നൗഷാദ്, പി.കെ.സാലി എന്നിവര്‍ സംസാരിച്ചു.
സീതി സാഹിബ് സ്‌കൂള്‍ അദ്ധ്യാപകന്‍ പി.എ.വി.ഷഫീഖ് രക്ഷിതാക്കള്‍ക്കും വിദ്യാര്‍ഥികള്‍ക്കും കൗണ്‍സിലിങ്ങ് ക്ലാസ് നല്‍കി. കെ.സി.മുസ്തഫ സ്വാഗതവും മന്‍സൂര്‍ കൊടിയില്‍ നന്ദിയും പറഞ്ഞു.