മഴ നിന്നാലും തളിപ്പറമ്പില്‍ ബസ്റ്റാന്റ് പെയ്യും.
തളിപ്പറമ്പ്: മഴ നിന്നാലുംം തളിപ്പറമ്പ് നഗരസഭാ ബസ്റ്റാന്റില്‍ മഴ പെയ്തുകൊണ്ടിരിക്കും.
ബസ്റ്റാന്റ് ബില്‍ഡിങ്ങിനകത്തേക്കും ബസ് ബേയിലേക്കും ആളുകളുടെ തലയിലേക്കും ബസിന് മുകളിലേക്കുമൊക്കെ വെള്ളം പെയ്തുകൊണ്ടിരിക്കും.
വര്‍ഷങ്ങളായി ബസ്റ്റാന്റിലെത്തുന്ന യാത്രക്കാരും ബസ് ജീവനക്കാരും ഈ ദുരിതം അനുഭവിച്ചുകൊണ്ടിരിക്കയാണ്.
ബസ്റ്റാന്റ് കെട്ടിടത്തിന്റെ മേല്‍പ്പുരയില്‍ വിവിധ കച്ചവട സ്ഥാപനങ്ങളിലെ ആവശ്യത്തിനായി സ്ഥാപിച്ച വാട്ടര്‍ ടാങ്കുകള്‍
നിറഞ്ഞുകവിയുന്നതിനാലാണ് ഇത്തരത്തില്‍ വെള്ളം മഴപെയ്യുന്നതിന് സമാനമായി താഴേക്ക് പതിച്ചുകൊണ്ടിരിക്കുന്നത്.
നിരവധി തവണ യാത്രക്കാര്‍ ഇക്കാര്യം ബന്ധപ്പെട്ടവരുടെ ശ്രദ്ധയില്‍ പെടുത്തിയെങ്കിലും യാതൊരുവിധ പരിഹാരവുമില്ലാതെ മഴപെയ്ത്ത് തുടര്‍ന്നുകൊണ്ടിരിക്കുകയാണ്.