ഭക്തജനങ്ങള്‍ ജാഗ്രതൈ—തൃച്ചംബരത്ത് മാലമോഷ്ടാക്കളെത്തി. 3 സ്ത്രീകളുടെ മാലകള്‍ നഷ്ടപ്പെട്ടു-
തളിപ്പറമ്പ്: തൃച്ചംബരം ക്ഷേത്രത്തില്‍ കൊടിയേറ്റേത്തിനിടയില്‍ സ്വര്‍ണമാല മോഷണം.
ചെങ്ങളായി ചെങ്ങളായി ചേരങ്കുന്നിലെ കെ.പി.കമലാക്ഷിയുടെ(70)മൂന്നരപവന്റെ മാലയാണ് മോഷ്ടിക്കപ്പെട്ടത്.
പൊട്ടിച്ചെടുത്ത മാലയുടെ കൊളുത്ത് തിരിച്ചുകിട്ടിയിട്ടുണ്ട്.
വേറെ രണ്ട് സ്ത്രീകളുടെ മാലകളും നഷ്ടപ്പെട്ടതായി പരാതിയുണ്ടെങ്കിലും ഔദ്യോഗികമായി പോലീസില്‍ പരാതി ലഭിച്ചിട്ടില്ലെന്ന് ബന്ധപ്പെട്ടവര്‍ പറഞ്ഞു.
ഇത്തവണ ശ്രീകൃഷ്ണ സേവാസമിതിയുടെ പ്രവര്‍ത്തനം ഇല്ലാത്തതിനാല്‍ വളണ്ടിയര്‍മാരുടെ സേവനം ഉണ്ടായിരുന്നില്ല.
പോലീസ് സി.സി.ടി.വി ദൃശ്യങ്ങള്‍ പരിശോധിക്കുന്നുണ്ട്.
മാല മോഷണം സംബന്ധിച്ച് ജാഗ്രത പാലിക്കാന്‍ ക്ഷേത്രം അധികൃതര്‍ അനൗണ്‍സ്‌മെന്റ് നടത്തണമെന്ന ആവശ്യം ഉയരുന്നുണ്ടെങ്കിലും
സേവാസമിതിയുടെ അഭാവം ഇതിനെല്ലാം വലിയ അളവില്‍ തടസങ്ങള്‍ ഉണ്ടാക്കുന്നുണ്ട്.
കൊടിയേറ്റം കഴിഞ്ഞ് ഭക്തജനങ്ങള്‍ തിരിച്ചുപോകുന്ന ഒരുക്കങ്ങള്‍ക്കിടയിലാണ് മോഷണം നടന്നത്.