പ്രമുഖ ശില്‍പ്പി കണ്ണൂര്‍ ഗവ.മെഡിക്കല്‍ കോളേജ് മ്യൂസിയം കം ഫോട്ടോഗ്രാഫിക് അസിസ്റ്റന്റ് തൃക്കരിപ്പൂര്‍ രവീന്ദ്രന് പരിയാരം പ്രസ്‌ക്ലബ്ബ് യാത്രയയപ്പ് നല്‍കി
പരിയാരം: എക്കാലവും ഓര്‍മ്മിക്കത്തക്കവിധത്തിലുള്ള ഹൃദയശില്‍പ്പം മെഡിക്കല്‍ കോളേജിന് സമ്മാനിച്ചാണ് തൃക്കരിപ്പൂര്‍ രവീന്ദ്രന് സര്‍വീസില്‍ നിന്ന് വിരമിക്കുന്നതെന്നും, കാലം ഓര്‍ത്തുവെക്കുന്ന വ്യക്തിത്വമാണ് മെഡിക്കല്‍ കോളേജില്‍ നിന്നും പടിയിറങ്ങുന്നതെന്നും ഡോ.എ.കെ.വേണുഗോപാലന്‍.
29 വര്‍ഷത്തെ സേവനത്തിന് ശേഷം കണ്ണൂര്‍ ഗവ.മെഡിക്കല്‍ കോളേജില്‍ നിന്ന് വിമിക്കുന്ന പ്രശസ്ത ശില്‍പ്പിയും ലളിതകലാ അക്കാദമി മുന്‍ അംഗവുമായ തൃക്കരിപ്പൂര്‍ രവീന്ദ്രന് പരിയാരം പ്രസ്‌ക്ലബ്ബ് നല്‍കിയ യാത്രയയപ്പ് ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രസ് ക്ലബ്ബ് സെക്രട്ടെറി ജയരാജ് മാതമംഗലം അധ്യക്ഷത വഹിച്ചു.
പ്രസ് ക്ലബ്ബ് രക്ഷാധികാരി രാഘവന്‍ കടന്നപ്പള്ളി, ട്രഷറര്‍ ഒ.കെ.നാരായണന്‍ നമ്പൂതിരി, കേരളാ ജേര്‍ണലിസ്റ്റ്‌സ് യൂണിയന്‍(കെ.ജെ.യു)കണ്ണൂര്‍ ജില്ലാ പ്രസിഡന്റ് കരിമ്പം. കെ.പി.രാജീവന്‍, അനില്‍ പുതിയവീട്ടില്‍, ദാമോദരന്‍ പുളിമ്പറമ്പ്, പ്രണവ് പെരുവാമ്പ എന്നിവര്‍ പ്രസംഗിച്ചു.