ക്രിക്കറ്റ് കളിക്കിടയില്‍ യുവാവ് കുഴഞ്ഞുവീണ് മരിച്ചു-
പരിയാരം: ക്രിക്കറ്റ് കളിക്കിടയില്‍ യുവാവ് കുഴഞ്ഞുവീണ് മരിച്ചു.
വായാട് സ്വദേശിയും ആശാരിപ്പണിക്കാരനുമായ കാവുക്കല്‍ വീട്ടില്‍ ലിജീഷ്(40) ആണ് മരിച്ചത്.
ഇന്നലെ രാവിലെ എട്ടിന് ഏഴുംവയലിലെ ഗ്രൗണ്ടില്‍ കളിച്ചുകൊണ്ടിരിക്കെയാണ് കുഴഞ്ഞുവീണത്.
ഉടന്‍തന്നെ സ്വകാര്യ ആശുപത്രിയിലെത്തിച്ചുവെങ്കിലും മരണപ്പെട്ടു.
തോട്ടീക്കല്‍ ഗോള്‍ഡ് സ്റ്റാര്‍ ക്രിക്കറ്റ് ക്ലബ്ബിലെ കളിക്കാരനാണ്.
എ.കെ.ജി തിരുവട്ടൂരിലെ വടംവലി ടീമംഗവുമാണ് ലിജീഷ്.
ലക്ഷ്മണന്‍-ശ്യാമള ദമ്പതികളുടെ മകനാണ്.
ഭാര്യ: ഷൈമ.
മക്കള്‍: ലിഷാന്‍ ലക്ഷ്മണ്‍, ധ്യാന്‍ ലക്ഷ്മണ്‍, ലിനിന്‍ ലക്ഷ്മണ്‍.
സഹോദരങ്ങള്‍: ലിനീഷ്, ലീന. സംസ്‌ക്കാരം നാളെ (തിങ്കള്‍)വൈകുന്നേരം 3 മണിക്ക് തിരുവട്ടൂര്‍ പൊതുശ്മശാനത്തില്‍.