നായപ്രേമികള്‍ക്ക് ഒരു സന്തോഷവാര്‍ത്ത–സര്‍ട്ടിഫിക്കറ്റില്ലാത്ത നായകള്‍ക്ക് സര്‍ട്ടിഫിക്കറ്റും മൈക്രോചിപ്പും നല്‍കുന്നു.
തളിപ്പറമ്പ്: സര്‍ട്ടിഫിക്കറ്റ് ഇല്ലാത്ത നായകള്‍ക്ക് കെന്നല്‍ ക്ലബ്ബ് ഓഫ് ഇന്ത്യയുടെ സര്‍ട്ടിഫിക്കറ്റും മൈക്രോചിപ്പും നല്‍കുന്നു.
കോഴിക്കോട് കെന്നല്‍ ക്ലബ്ബാണ് തളിപ്പറമ്പില്‍ ഇതിനായി ക്യാമ്പ് സംഘടിപ്പിക്കുന്നത്.
ശുദ്ധജനുസില്‍പ്പെട്ട ഒരു വയസ് പൂര്‍ത്തിയായ നായകള്‍ക്കാണ് സര്‍ട്ടിഫിക്കറ്റും മൈക്രോചിപ്പും നല്‍കുന്നത്.
സര്‍ട്ടിഫിക്കറ്റ് ഇല്ലാത്ത നൂറുകണക്കിന് നായകള്‍ക്ക് സര്‍ട്ടിഫിക്കറ്റ് ലഭിക്കാനുള്ള അവസരമാണ് ഇപ്പോള്‍ ഒരുങ്ങുന്നത്.
നവംബര്‍ 21 ന് ഞായറാഴ്ച്ച കണ്ണൂര്‍ ജില്ലയിലെ തളിപ്പറമ്പിലുള്ള ഉണ്ടപ്പറമ്പ് മൈതാനിയിലാണ് ക്യാമ്പ് സംഘടിപ്പിക്കുന്നത്.
ഇതോടൊപ്പം പേവിഷബാധക്കെതിരെയുള്ള കുത്തിവെപ്പ് സൗജന്യമായി നല്‍കും.
വളര്‍ത്തുമൃഗങ്ങള്‍ക്ക് തദ്ദേശ സ്വയംഭരണ സ്ഥാപനങ്ങള്‍ ലൈസെന്‍സ് നിര്‍ബന്ധമാക്കിയ സാഹചര്യത്തിലാണ് പേവിഷബാധക്കെതിരെയുള്ള കുത്തിവെപ്പ് നല്‍കുന്നതെന്ന് ഭാരവാഹികള്‍ പറഞ്ഞു.
നവംബര്‍ 14 ന് മുമ്പായി രജിസ്റ്റര്‍ ചെയ്യേണ്ടതാണ്. കൂടുതല്‍ വിവരങ്ങള്‍ക്കും രജിസേ്രടഷനുമായി 9847 21 21 96, 9633 84 14 25 എന്നി നമ്പറുകളില്‍ ബന്ധപ്പെടുക.