നാലുവയസുകാരന്‍ കുളത്തില്‍ വീണുമരിച്ചു-
പിലാത്തറ: വീടിനുസമീപത്തെ കുളത്തില്‍ വീണു നാലു വയസുകാരന്‍ മരിച്ചു.
ചെറുതാഴം മൂലയിലെ സാദിഖിന്റെയും ജസീലയുടെയും മകന്‍ മുഹമ്മദ് ആണ് ഞായറാഴ്ച വൈകീട്ട് ആറരയോടെ മരിച്ചത്.
കളിച്ചുകൊണ്ടിരുന്ന കുട്ടിയെ കാണാതായതിനെ തുടര്‍ന്ന് വീട്ടുകാരും, സമീപവാസികളും അന്വേഷിക്കുന്നതിനിടയിലാണ് വീടിനു സമീപത്തെ കുളത്തില്‍ വീണു മരിച്ചതായി കണ്ടത്.
ഉടനെ പയ്യന്നൂര്‍ സഹകരണ ആശുപത്രിയിലും, തുടര്‍ന്ന് കണ്ണൂര്‍ ഗവ. മെഡിക്കല്‍ കോളേജിലും എത്തിച്ചുവെങ്കിലും മെഡിക്കല്‍ കോളേജില്‍ എത്തുന്നതിനുമുമ്പ് മരിച്ചിരുന്നു.
മൃതദേഹം മെഡിക്കല്‍ കോളേജ് മോര്‍ച്ചറിയില്‍ .പോസ്റ്റുമോര്‍ട്ടത്തിനുശേഷം ഖബറടക്കം തിങ്കളാഴ്ച നടക്കും. സഹോദരന്‍-ഷാഫി.