പാലക്കോട് കഞ്ചാവ് ചെടി കണ്ടെത്തി.
പയ്യന്നൂര്‍: കഞ്ചാവ് ചെടി കണ്ടെത്തി നശിപ്പിച്ചു.
പയ്യന്നൂര്‍ എക്‌സൈസ് സംഘം എട്ടിക്കുളം പാലക്കോട് ഭാഗത്ത് നടത്തിയ റെയ്ഡിലാണ് പാലക്കോട് റോഡരികില്‍ ഏകദേശം ഒരു മീറ്റര്‍ ഉയരം വരുന്ന കഞ്ചാവ് ചെടി കണ്ടെത്തിയത്.
ചെടിയുടെ ഉടമസ്ഥനെ കുറിച്ച് അന്വേഷണം ആരംഭിച്ചു. ദൃക്സാക്ഷികളുടെ സാന്നിധ്യത്തില്‍ ചെടി നശിപ്പിച്ചു.
എക്‌സൈസ് ഇന്‍സ്പെക്ടര്‍ സി.സന്തോഷ് അസി. എക്‌സൈസ് ഇന്‍സ്പെക്ടര്‍ ഗ്രേഡ് ശശി ചേണിച്ചേരി, എ.അസിസ്, പ്രിവന്റീവ് ഓഫീസര്‍ ഇബ്രാഹിം ഖലീല്‍, സി ഇ ഒ മാരായ കെ.ശരത്, കെ.ബിനീഷ്, വനിതാ സിഇഒ പി.വി.നിജിഷ എന്നിവരും പരിശോധനയില്‍ പങ്കെടുത്തു.