ഭര്‍തൃമതി വീട്ടുമുറ്റത്ത് പൊള്ളലേറ്റ് മരിച്ച നിലയില്‍-
ഇരിട്ടി: ഭര്‍തൃമതിയെ പൊള്ളലേറ്റുമരിച്ച നിലയില്‍ കണ്ടെത്തി.
പേരാവൂര്‍ മേലേ തൊണ്ടിയിലെ കുഞ്ഞിംവീട്ടില്‍ ദീപേഷിന്റെ ഭാര്യ നിഷയെ(24) യാണ് വീട്ടുമുറ്റത്ത് തീപൊള്ളലേറ്റ് മരിച്ച നിലയില്‍ കണ്ടെത്തിയത്.
ഇന്ന് രാവിലെയോടെയാണ് സംഭവം. പേരാവൂര്‍ പോലീസ് സ്ഥലത്തെത്തി പ്രാഥമിക പരിശോധനകള്‍ നടത്തി.
മൃതദേഹം പോസ്റ്റുമാര്‍ട്ടത്തിനായി കണ്ണൂര്‍ ഗവ. മെഡിക്കല്‍ കോളേജിലേക്ക് കൊണ്ടുപോയി.
ഇരിട്ടി തഹസില്‍ദാറുടെ നേതൃത്വത്തില്‍ പരിയാരത്തെത്തി ഇന്‍ക്വസ്റ്റ് നടത്തി. സംഭവത്തെ കുറിച്ച് പോലീസ് അന്വേഷണമാരംഭിച്ചു.
ആറളം പുനരധിവാസ മേഖലയില്‍ താമസിക്കുന്ന നാരായണന്‍-സുജാത ദമ്പതികളുടെ മകളാണ്. ഒന്നരവയസുകാരന്‍ ദേവാംഗ് മകനാണ്.