ബുദ്ധിമുട്ടുള്ള കാര്യങ്ങളിലാണ് കഴിവുതെളിയിക്കേണ്ടത്: ഡോ.നബീസാ ബേബി.
കരിമ്പം: എളുപ്പമുള്ള കാര്യങ്ങള്‍ പരിശീലിക്കുന്ന ഒരു തലമുറയാണ് ഇന്നുള്ളതെന്നും, ബുദ്ധിമുട്ടുള്ള കാര്യങ്ങളില്‍ കഴിവുതെളിയിച്ച് വിജയം കൊയ്യുന്നവരാണ് ഇന്നത്തെ കാലഘട്ടത്തിന്റെ ആവശ്യമെന്ന് കണ്ണൂര്‍ യൂണിവേഴ്‌സിറ്റി സ്റ്റുഡന്റ് സര്‍വീസ് ഡയരക്ടര്‍ ഡോ.നബീസ ബേബി.
കരിമ്പം കള്‍ച്ചറല്‍ സെന്റര്‍ ലൈബ്രറി ആന്റ് റീഡിംഗ്‌റൂം സംഘടിപ്പിച്ച എസ്.എസ്.എല്‍.സി-പ്ലസ്ടു വിജയികളെ അനുമോദിക്കല്‍ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അവര്‍.
കള്‍ച്ചറല്‍ സെന്റര്‍ പ്രസിഡന്റ് കെ.പി.എം.റിയാസുദ്ദീന്‍ അധ്യക്ഷത വഹിച്ചു.
സി.അനില്‍കുമാര്‍, കെ.സതീശന്‍ എന്നിവര്‍ പ്രസംഗിച്ചു. സെക്രട്ടെറി സി.രാഹുല്‍ സ്വാഗതവും ജോ.സെക്രട്ടറി സി.ഗോവിന്ദന്‍ നന്ദിയും പറഞ്ഞു.