മല്‍സരിച്ചോടിയ കാറുകള്‍ കൂട്ടിയിടിച്ച് തീപിടിച്ചു.
തൃക്കരിപ്പൂര്‍: കാറുകള്‍ കൂട്ടിയിടിച്ച് തീപിടിച്ചു. ഇന്നലെ രാത്രി 10.50 ന് തൃക്കരിപ്പൂര്‍ കാരോളത്താണ് സംഭവം.
കെ..എല്‍.60.ടി. 8324 നമ്പര്‍ സ്വിഫ്റ്റ് കാറും കെ.എല്‍.60.ടി.2954 നമ്പര്‍ ബലേനോ കാറുമാണ് കൂട്ടിയിടിച്ചത്.
തൃക്കരിപ്പൂര്‍ പൂവളപ്പ് സ്വദേശികളും തലിച്ചാലം സ്വദേശികളും സഞ്ചരിച്ചിരുന്ന കാറുകളാണ് കൂട്ടിയിടിച്ചതിനെ തുടര്‍ന്ന് തീ പിടിച്ചത്.
നാട്ടുകാര്‍ വിവരമറിയിച്ചതിനെ തുടര്‍ന്ന് തൃക്കരിപ്പൂര്‍ ഫയര്‍ സ്റ്റേഷനില്‍ നിന്നും ഗ്രേഡ് അസി.സ്റ്റേഷന്‍ ഓഫീസര്‍ പി. ഭാസ്‌കരന്റെ നേതൃത്വത്തിലുള്ള സംഘം സ്ഥലത്തെത്തിയാണ് തീയണച്ചത്.
കാറിന്റെ എഞ്ചിന്‍ ഉള്‍പ്പെടെ മുന്‍ഭാഗം പൂര്‍ണ്ണമായും കത്തിനശിച്ചു.
വിവരമറിഞ്ഞ് ചന്ദേര പോലീസും സ്ഥലത്തെത്തിയിരുന്നു. ഇരുകാറുകളും മല്‍സരിച്ചോേടിയതാണ് അപകടകാരണമെന്ന് പോലീസ് പറഞ്ഞു.