തീവെച്ച് നശിപ്പിച്ചു-ക്വാര്‍ട്ടേഴ്‌സ് വളപ്പില്‍ നിര്‍ത്തിയിട്ട സ്‌ക്കൂട്ടര്‍ തീവെച്ച് നശിപ്പിച്ചു-
പരിയാരം: ക്വാര്‍ട്ടേഴ്‌സിന് മുന്നില്‍ നിര്‍ത്തിയിട്ട സ്‌ക്കൂട്ടര്‍ പുറത്തെടുത്തുകൊണ്ടുപോയി തീവെച്ച് നശിപ്പിച്ചു.
ഏഴിലോട് തിരുവാതിര വെഞ്ചേഴ്‌സ് എന്ന ക്വാര്‍ട്ടേഴ്‌സിലെ സാന്ദ്ര വര്‍ഗീസിന്റെ പേരിലുള്ള കെ.എല്‍.13 എ.പി. 6481 ഡിയോ സ്‌ക്കൂട്ടറാണ് ഇന്ന് പുലര്‍ച്ചെ ഒന്നരയോടെ കത്തിച്ചത്.
വിവരമറിഞ്ഞ് പയ്യന്നൂര്‍ അഗ്നിശമനനിലയത്തില്‍ നിന്നും സ്റ്റേഷന്‍ ഓഫീസര്‍ കെ.വി.പ്രഭാകരന്റെയും അസി.സ്റ്റേഷന്‍ ഓഫീസര്‍ ഒ.സി.കേശവന്‍ നമ്പൂതിരിയുടെയും നേതൃത്വത്തിലെത്തിയ സേനാംഗങ്ങളാണ് തീയണച്ചത്.
സ്‌ക്കൂട്ടര്‍ പൂര്‍ണമായും കത്തിനശിച്ചു.
ഫയര്‍ ആന്റ് റെസ്‌ക്യൂ ഓഫീസര്‍മാരായ ടി.പി.ധനേഷ്, എ.സുധീര്‍, പി.പി.രാഹുല്‍, സി.എം.രജിലേഷ്, ഹോംഗാര്‍ഡുമാരായ കെ.മധുസൂതനന്‍, ടി.കെ.സനീഷ് എന്നിവരും സംഘത്തിലുണ്ടായിരുന്നു.
സ്‌ക്കൂട്ടറിന്റെ ആര്‍.സി ഉടമയായ സാന്ദ്ര സൗദി അറേബ്യയില്‍ ജോലിചെയ്യുകയാണ്.
ഇവരുടെ സഹോദരന്‍ സരിനാണ് ഇപ്പോള്‍ സ്‌ക്കൂട്ടര്‍ ഉപയോഗിക്കുന്നത്.
സരിനുമായി വിരോധമുള്ളവരാണ് സ്‌ക്കൂട്ടര്‍ കത്തിച്ചതെന്നാണ് പ്രാഥമിക നിഗമനം. പരിയാരം പോലീസ് അന്വേഷണം ആരംഭിച്ചു.