പോലീസ് കായികമേള 4, 5 തീയതികളില്‍ മാങ്ങാട്ടുപറമ്പില്‍-ദീപശിഖാപ്രയാണം തുടങ്ങി. പേരാവൂര്‍ ഡി.വൈ.എസ്.പി എ.വി.ജോണ്‍ ദീപശിഖ കൈമാറി.
തളിപ്പറമ്പ്: കണ്ണൂര്‍ റൂറല്‍ പോലീസ് ജില്ലാ പ്രഥമ അത് ലറ്റിക്ക് മീറ്റ് നാളെ മാങ്ങാട്ടുപറമ്പ് കെ.എ.പി. സ്റ്റേഡിയത്തില്‍ നടക്കും.
രണ്ട് ദിവസത്തെ കായിക മേളയില്‍ റൂറല്‍ ജില്ലയിലെ 300 പോലീസ് സേനാംഗങ്ങള്‍ മീറ്റില്‍ പങ്കെടുക്കും.
രാവിലെ 9 ന് കണ്ണൂര്‍ റേഞ്ച് ഡി.ഐ.ജി രാഹുല്‍ ആര്‍.നായര്‍ ഉദ്ഘാടനം ചെയ്യും.
5 ന് വൈകുന്നേരം നടക്കുന്ന സമാപന പരിപാടിയില്‍ ജില്ലാ കളക്ടര്‍ എസ്.ചന്ദ്രശേഖര്‍ മുഖ്യാതിഥിയായി പങ്കെടുക്കും.
കായിക മേളയോടനുബന്ധിച്ചുള്ള ദീപശിഖാ പ്രയാണം ഇന്ന് രാവിലെ പേരാവൂരില്‍ നിന്ന് ആരംഭിച്ചു.
ഡിവൈ.എസ്.പി.എ.വി.ജോണ്‍ അത് ലറ്റുകള്‍ക്ക് ദീപശിഖ കൈമാറി.
വിവിധ പോലീസ് സ്റ്റേഷനുകളിലെ സ്വീകരണം ഏറ്റുവാങ്ങിയ ശേഷം ദീപശിഖാ പ്രയാണം ഇന്ന്
വൈകുന്നേരം മാങ്ങാട്ടുപറമ്പ് റൂറല്‍ ജില്ലാ പോലീസ് ആസ്ഥാനത്ത് സമാപിക്കും.