പോലീസ് അസോസിയേഷന്‍ കണ്ണൂര്‍ റൂറല്‍ ജില്ലാ സമ്മേളനം: ഫുട്‌ബോള്‍ ടൂര്‍ണ്ണമെന്റ് സംഘടിപ്പിച്ചു.
തളിപ്പറമ്പ്:കേരളാ പോലീസ് അസോസിയേഷന്‍ കണ്ണൂര്‍ റൂറല്‍ രണ്ടാം ജില്ലാ സമ്മേളനത്തിന്റെ അനുബന്ധ പരിപാടിയായി സബ് ഡിവിഷന്‍ തല ഫുട്‌ബോള്‍ ടൂര്‍ണമെന്റ് സംഘടിപ്പിച്ചു.
ജൂലൈ 19 വെള്ളിയാഴ്ച്ച തളിപ്പറമ്പ് ഡ്രീം പാലസ് ഓഡിറ്റോറിയത്തില്‍ നടക്കുന്ന കേരള പോലീസ് അസോസിയേഷന്‍ കണ്ണൂര്‍ റുറല്‍ രണ്ടാം ജില്ല സമ്മേളനത്തിന്റെ ഭാഗമായി ഫുട്‌ബോള്‍ ടൂര്‍ണ്ണമെന്‍ന്റ് സംഘടിപ്പിച്ചത്.
സംഘാടക സമിതി ചെയര്‍മാന്‍ ശോഭന്‍ ബാബു അധ്യക്ഷത വഹിച്ച പരിപാടി കെ.എ.പി 4 ബറ്റാലിയന്‍ ഡെപ്യുട്ടി കമാണ്ടന്റ് ശ്രീനിവാസന്‍ ഉദ്ഘാടനം ചെയ്തു.
കേരള ഫുട്‌ബോള്‍ ടീം മുന്‍ ക്യാപ്ടന്‍ വി.മിഥുന്‍, കേരള പോലീസ് ഫുട്‌ബോള്‍ ടീം കോച്ച് സിദ്ധിഖ് കല്യാശേരി എന്നിവര്‍ മുഖ്യാഥിതികളായി.
കെ.എ.പി കണ്ണൂര്‍ റൂറല്‍ ജില്ലാ സെക്രട്ടറി കെ.പ്രിയേഷ്, ജില്ല പ്രസിഡന്റ് ടി.വി.ജയേഷ്, പ്രസാദ് എന്നിവര്‍ സംസാരിച്ചു.
ദിനേശ് കുമാര്‍ സ്വാഗതം പറഞ്ഞു.
ഫുട്‌ബോള്‍ ടൂര്‍ണമെന്റില്‍ വിന്നേര്‍സ് ആയി പയ്യന്നൂര്‍ സബ് ഡിവിഷനും റണ്ണേര്‍സ് ആയി ഡി.എച്ച്.ക്യു സ്‌പെഷ്യല്‍ വിംഗ് തിരഞ്ഞെടുക്കപ്പെട്ടു.