റബ്ബര്‍ പുകപ്പുരക്ക് തീപിടിച്ചു, 40,000 രൂപയുടെ നഷ്ടം.
തളിപ്പറമ്പ്: റബ്ബര്‍ പുകപ്പുരക്ക് തീപിടിച്ചു.
പരിയാരം കോരന്‍പീടിക അണ്ടാംകുളത്തെ ഹസ്സന്‍ പുളുക്കൂല്‍ എന്നയാളുടെ റബ്ബര്‍ പുകപ്പുരയ്ക്കാണ് തീപിടിച്ചത്.
മേല്‍ക്കൂരയ്ക്കും ചുമരിനും തീപിടിത്തത്തില്‍ നാശനഷ്ടം ഉണ്ടായി.
ഒരു ക്വിന്റല്‍ റബ്ബര്‍ഷീറ്റ് കത്തിനശിച്ചു.
ഇന്ന് വൈകുന്നേരം മൂന്നര മണിയോടെയാണ് സംഭവം.
തളിപ്പറമ്പില്‍ നിന്നും എത്തിയ സ്റ്റേഷന്‍ ഓഫീസര്‍ പ്രേമരാജന്‍ കക്കാടി, ഗ്രേഡ് അസി.സ്റ്റേഷന്‍ ഓഫീസര്‍ കെ.വി.സഹദേവന്‍, സേനാംഗങ്ങളായ ടി.വിജയ്, വി.അനുരൂപ് , സി.അഭിനേഷ്, വി.ജയന്‍, കെ.സജീന്ദ്രന്‍ എന്നിവരുള്‍പ്പെട്ട സംഘമാണ് തീയണച്ചത്.
നാല്‍പ്പതിനായിരം രൂപയുടെ നഷ്ടം കണക്കാക്കുന്നു .