തൃക്കരിപ്പൂരില്‍—യുവാവ് ട്രെയിന്‍ തട്ടി മരിച്ച നിലയില്‍
തൃക്കരിപ്പൂര്‍: യുവാവിനെ ട്രെയിന്‍തട്ടി മരിച്ച നിലയില്‍ കണ്ടെത്തി. തൃക്കരിപ്പൂര്‍ ഇളമ്പച്ചി പുതിയ കെ.എസ്. ഇ.ബി ഓഫീസിന് സമീപത്തെ റെയില്‍വെ ട്രാക്കിലാണ് മൃതദേഹം കണ്ടെത്തിയത്.
ഇന്ന് പുലര്‍ച്ചെ രണ്ടോടെയായിരുന്നു സംഭവം.
റെയില്‍വെ ജീവനക്കാര്‍ അറിയിച്ചത്പ്രകാരം ചന്തേര പോലീസും തൃക്കരിപ്പൂര്‍ അഗ്നിശമനസേനയുമാണ് സ്ഥലത്തെത്തി മൃതദേഹം പരിയാരത്തെ കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയിലേക്ക് മാറ്റിയത്.
ഏകദേശം 30 വയസ് പ്രായംതേന്നിക്കുന്ന യുവാവ് ബര്‍മുഡ മാത്രമേ ധരിച്ചിട്ടുള്ളൂ.
ഇയാള്‍ വന്നതെന്ന് കരുതുന്ന സ്‌കൂട്ടര്‍ റെയില്‍വെ ട്രാക്കിന് സമീപം ഉപേക്ഷിച്ച നിലയില്‍ പോലീസ് കണ്ടെടുത്തു.