മാവോയിസ്റ്റുകള്‍ വയനാട്ടില്‍-ഉണ്ണിമായയും ചന്ദ്രുവും തോക്കുചൂണ്ടി.

പടിഞ്ഞാറെത്തറ: മാവോയിസ്റ്റുകള്‍ തോക്കുചൂണ്ടി ഭക്ഷണസാധനങ്ങള്‍ കടത്തിക്കൊണ്ടുപോയതായി പരാതി.

വയനാട് പടിഞ്ഞാറെത്തറ പോലീസ് പരിധിയില്‍ കുറ്റ്യാംവയലിലാണ് സംഭവം.

ഇവിടെ വനമേഖലയോട് ചേര്‍ന്ന് കിടക്കുന്ന
കുഞ്ഞുകൊച്ച് എന്നയാളുടെ വീട്ടില്‍ വാടകക്ക് താമസിക്കുന്ന ആലഞ്ചേരി കോളനിയിലെ ഗീത(36) എന്നവരുടെ വീട്ടിലാണ് ഫെബ്രുവരി
28 ന് ഉച്ചക്ക് ഒന്നരയോടെ തോക്ക് ധാരികളായ രണ്ട് മാവോയിസ്റ്റുകളെത്തിയത്.

തോക്കുചൂണ്ടി ഭീഷണിപ്പെടുത്തിയാണ് വീട്ടിലുണ്ടായിരുന്ന ഭക്ഷ്യവസ്തുക്കള്‍ എടുത്തുകൊണ്ടുപോയത്.

ഭയം കാരണം ഇവര്‍ ഇന്നലെയാണ് വിവരം പടിഞ്ഞാറെത്തറ പോലീസില്‍ അറിയിച്ചത്.

പോലീസ് യു.എ.പി.എ നിയമപ്രകാരം കേസെടുത്തു.

ഉണ്ണിമായ, ചന്ദ്രു എന്നീ മാവോയിസ്റ്റ് സേനാംഗങ്ങളാണ് എത്തിയതെന്ന് ഫോട്ടോയിലൂടെ തിരിച്ചറിഞ്ഞിട്ടുണ്ട്.

പ്രദേശത്ത് ഇന്നലെ മുതല്‍ പോലീസും തണ്ടര്‍ബോള്‍ട്ടും നിരീക്ഷണം ശക്തമാക്കിയിട്ടുണ്ട്.

പകല്‍നേരത്ത് മാവോയിസ്റ്റുകള്‍ എത്തി ഭക്ഷണസാധനങ്ങള്‍ കൊണ്ടുപോയത് പോലീസ് ഗൗരവത്തോടെയാണ് കാണുന്നത്.