എക്സ്റേ ഫിലിമുകള് കവറിലിട്ട് തന്നെ നല്കും-കണ്ണൂര് ഓണ്ലൈന്ന്യൂസ് ഇംപാക്ട്.
കടന്നപ്പള്ളി: കണ്ണൂര് ഗവ.മെഡിക്കല് കോളേജില് അടുത്ത ദിവസം മുതല് എക്സ്റേ കവറിലിട്ട് നല്കുമെന്ന് മെഡിക്കല് കോളേജ് അധികൃതര് പറഞ്ഞു.
ഇതുസംബന്ധിച്ച് കണ്ണൂര് ഓണ്ലൈന്ന്യൂസ് വാര്ത്ത ഇന്ന് പ്രസിദ്ധീകരിച്ചിരുന്നു.
സര്ക്കാര് പ്രസില് നിന്നും കവറുകള് ലഭിക്കാന് ബുദ്ധിമുട്ടുകള് നേരിട്ടതിനെ തുടര്ന്നാണ് എക്സ്റേ കവറിലല്ലാതെ നല്കേണ്ടി വരുന്നത്.
പരീക്ഷാ പേപ്പറുകള് അച്ചടിക്കുന്നതുപോലെ അത്യാവശ്യഘട്ടങ്ങളില് പ്രസുകളില് മറ്റ് അച്ചടി നിര്ത്തിവെക്കുന്നതാണ് ഇതിന് കാരണം.
നേരത്തെ തന്നെ കവറുകള് ലഭിക്കാനായി അറിയിപ്പ് നല്കിയിരുന്നു.
കവറുകള് ലഭ്യമായിട്ടുണ്ടെന്നും അടുത്ത ദിവസം മുതല് തന്നെ കവറിലിട്ട് എക്സ്റേ ഫിലിമുകള് നല്കി തുടങ്ങുമെന്നും ആശുപത്രി അധികൃതര് പറഞ്ഞു.