ലോഡിങ് തൊഴിലാളി ഓടയില് മരിച്ച നിലയില് സംഭവത്തില് ദുരൂഹത
പയ്യന്നൂര്: പയ്യന്നൂര് എഫ്.സി.ഐ ഗോഡൗണിലെ ലോഡിങ് തൊഴിലാളിയെ ഓടയില് മരിച്ചനിലയില് കണ്ടെത്തി.
അന്നൂര് പടിഞ്ഞാറെക്കരയിലെ തായമ്പത്ത് രാജേഷ്(45)നെയാണ് പയ്യന്നൂര് മൂരിക്കൊവ്വല് ഉഷാ റോഡിലെ ഓവുചാലില് മരിച്ച നിലയില് കണ്ടെത്തിയത്.
കമിഴ്ന്നു കിടക്കുന്ന നിലയില് ഇന്ന് ഉച്ചയോടെ നാട്ടുകാരാണ് മൃതദേഹം കണ്ടെത്തിയത്.
തുടര്ന്ന് പോലീസില് വിവരമറിയിക്കുകയായിരുന്നു.
പയ്യന്നൂര് പോലീസെത്തി നടപടിക്രമങ്ങള്ക്കു ശേഷം മോര്ച്ചറിയിലേക്ക് മാറ്റി.
രാജേഷിന്റെ മരണത്തില് ദുരൂഹതയുണ്ടെന്ന് ബന്ധുക്കള് ആരോപിച്ചു.
ദുരൂഹത നീക്കണമെന്നാവശ്യപ്പെട്ട് പോലീസ് സ്റ്റേഷനില് പരാതി നല്കുമെന്ന് ബന്ധുക്കള് അറിയിച്ചു.
അന്നൂര് പടിഞ്ഞാറെക്കരയിലെ പരേതരായ അമ്പുവിന്റെയും തായമ്പത്ത് കുഞ്ചിരിയുടെയും മകനാണ് മരിച്ച രാജേഷ്.
സഹോദരങ്ങള്: ടി.കുമാരി, ടി.രാജീവന്(ലോഡിങ് തൊഴിലാളി എഫ്.സി.ഐ പയ്യന്നൂര്), ടി.രതീഷ്(നിര്മാണ തൊഴിലാളി), ടി.പുഷ്പ.