എ.കെ.പി.എ വനിതാസംഗമനം നടത്തി
തളിപ്പറമ്പ്: ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ കണ്ണൂര്‍ ജില്ല കമ്മറ്റി മാര്‍ച്ച് 8 ലോക വനിതാദിനത്തോടനുബന്ധിച്ച് തളിപ്പറമ്പ് റിക്രിയേഷന്‍ ക്ലബ്ബ് ഓഡിറ്റോറിയത്തില്‍ വനിത സംഗമം സംഘടിപ്പിച്ചു.
പ്രശസ്ത സിനിമ-നാടകനടിയും ഡബ്ബിങ് ആര്‍ട്ടിസ്റ്റുമായ രജിത മധു ഉദ്ഘാടനം ചെയ്തു.
എ.കെ.പി.എ കണ്ണൂര്‍ ജില്ല പ്രസിഡന്റ് രാജേഷ് കരേള അധ്യക്ഷത വഹിച്ചു.
ചടങ്ങില്‍ ദേശീയ അദ്ധ്യാപക അവാര്‍ഡ് ജേതാവും പ്രഭാഷകനുമായ രാധാകൃഷ്ണന്‍ മാണിക്കോത്ത് മുഖ്യപ്രഭാഷണം നടത്തി.
എ.കെ.പി.എ സംസ്ഥാന സെക്രട്ടറി ഉണ്ണി കൂവോട്, പി.ടി.കെ.രജീഷ് (സംസ്ഥാന ഇന്‍ഷുറന്‍സ് കോര്‍ഡിനേറ്റര്‍), സിനോജ് മാക്‌സ് (ജില്ല ട്രഷറര്‍), സുമേഷ് മഴൂര്‍(തളിപ്പറമ്പ് മേഖല പ്രസിഡന്റ് ) എന്നിവര്‍ സംസാരിച്ചു.
ചടങ്ങില്‍ വെച്ച് കലാരംഗത്ത് വ്യത്യസ്ത കഴിവുകള്‍ തെളിയിച്ച കണ്ണൂര്‍ ഈസ്റ്റ് യൂനിറ്റ് മെമ്പര്‍ വി.രജനി, ഇരിട്ടി ഈസ്റ്റ് യൂനിറ്റ് മെമ്പര്‍ സിന്ധു പ്രമോദ് എന്നിവരെ ആദരിച്ചു.
എ.കെ.പി.എ ജില്ലാ സെക്രട്ടറി എസ്.ഷിബുരാജ് സ്വാഗതവും പയ്യന്നൂര്‍ വെസ്റ്റ് യൂനിറ്റ് ട്രഷറര്‍ കെ.വി.പ്രസീത നന്ദിയും പറഞ്ഞു.