പോലീസ് ഇന്‍സ്‌പെക്ടറെ കോളറിന് പിടിച്ചു തള്ളി-പോലീസ് ജീപ്പിന്റെ ഗ്ലാസ് തകര്‍ത്തു-മൂന്നുപേര്‍ക്കെതിരെ കേസ്, ഒരാള്‍ അറസ്റ്റില്‍
വെള്ളരിക്കുണ്ട്: വെള്ളരിക്കുണ്ട് പോലീസ് ഇന്‍സ്‌പെക്ടര്‍ ടി.കെ.മുകുന്ദനെ ആക്രമിക്കുകയും പോലീസ് വാഹനത്തിന്റെ ചില്ല് തകര്‍ക്കുകയും ചെയ്ത സംഭവത്തില്‍ മൂന്നുപേര്‍ക്കെതിരെ കേസ്, ഒരാള്‍ അറസ്റ്റില്‍.
ഭീമനടി നരമ്പന്‍ചേരിയിലെ പെരുശ്ശേരിയില്‍ വീട്ടില്‍ പി.കെ.ജയകൃഷ്ണന്‍(31)നെയാണ് അറസ്റ്റ് ചെയ്തത്.
ഇയാളുടെ കൂടെയുണ്ടായിരുന്ന കണ്ടാലറിയാവുന്ന രണ്ടുപേര്‍ ഓടിക്ഷപ്പെട്ടു.
ഇന്നലെ രാത്രി 7.25 നാണ് സംഭവം.
വെള്ളരിക്കുണ്ട് ഇന്‍സ്‌പെക്ടര്‍ ടി.കെ.മുകുന്ദന്‍, സീനിയര്‍ സി.പി.ഒ സാജു, പോലീസ് ഡ്രൈവര്‍ മനോജ് എന്നിവരോടൊപ്പം പട്രോളിംഗ് ഡ്യൂട്ടി ചെയ്തുകൊണ്ടിരിക്കെയാണ് സംഭവം.
വെള്ളരിക്കുണ്ട് ബസ്റ്റാന്റിന് സമീപം ഓട്ടോറിക്ഷയിലിരുന്ന് രണ്ടുപേരോട് കയര്‍ത്ത് സംസാരിച്ചുകൊണ്ടിരുന്ന ജയകൃഷ്ണനോട് ഇന്‍സ്‌പെക്ടര്‍ വിവരം തിരക്കിയപ്പോള്‍ തട്ടിക്കയറുകയായിരുന്നു.
ഇന്‍സ്‌പെക്ടര്‍ ടി.കെ.മുകുന്ദന്റെ കോളറില്‍ കയറിപ്പിടിച്ച തള്ളുകയും ചെയ്തു.
ഇയാളെ ബലം പ്രയോഗിച്ച് കസ്റ്റഡിയിലെടുക്കാന്‍ ശ്രമിക്കവെയാണ് കൂടെയുണ്ടായിരുന്ന രണ്ടുപേര്‍ തടസ്സപ്പെടുത്തുകയും ചെയ്തു.
ഇതിനിടെ കെ.എല്‍-012 സി.പി.0804 പോലീസ് വാഹനത്തിന്റെ സൈഡ് കോര്‍ട്ടര്‍ ഗ്ലാസ് ജയകൃഷ്ണന്‍ തലകൊണ്ട് ഇടിച്ച് തകര്‍ക്കുകയും ചെയ്തു.
ഇതിനിടെയാണ് കൂടെയുണ്ടായിരുന്നവര്‍ ഓടിരക്ഷപ്പെട്ടത്. കസ്റ്റഡിയിലെടുത്ത പ്രതിയെ വെള്ളരിക്കുണ്ട് സഹകരണ ആശുപത്രിയിലെത്തിച്ച് പരിശോധന നടത്തി.
ഓടിരക്ഷപ്പെട്ട പ്രതികള്‍ക്കായി പോലീസ് അന്വേഷണം നടത്തിവരികയാണ്.
ജയകൃഷ്ണനെ ഇന്ന് കോടതിയില്‍ ഹാജരാക്കും.