ദേശീയപാതയില്‍ കാറുകള്‍ കൂട്ടിയിടിച്ചു-
തളിപ്പറമ്പ്: കാറുകള്‍ തമ്മില്‍ കൂട്ടിയിടിച്ചു, ഡ്രൈവര്‍മാര്‍ അല്‍ഭുതകരമായി രക്ഷപ്പെട്ടു.
ഇന്നലെ രാത്രി 11.30 ന് ദേശീയപാതയില്‍ തൃച്ചംബരത്തായിരുന്നു അപകടം.
തളിപ്പറമ്പ് ഭാഗത്തേക്ക് പോകുകയായിരുന്ന സ്വിഫ്റ്റ് ഡിസയര്‍കാര്‍ മുന്നില്‍ പോകുകയായിരുന്ന ഹൂണ്ടായ് കാറിന് ഇടിച്ച് നിയന്ത്രണംവിട്ട് വൈദ്യുതിപോസ്റ്റ് തകര്‍ത്ത് കണ്ണൂര്‍ ഭാഗത്തേക്ക് തിരിഞ്ഞുനില്‍ക്കുന്ന നിലയിലായിരുന്നു.
ഹുണ്ടായ് കാര്‍ നിയന്ത്രണംവിട്ട് റോഡരികിലെ വീടിന്റെ ഗെയിറ്റും മതിലും തകര്‍ത്താണ് നിന്നത്.
കാറോടിച്ചിരുന്ന മാന്തംകുണ്ട് സ്വദേശിയും പൂമംഗലം സ്വദേശിയും പരിക്കേല്‍ക്കാതെ രക്ഷപ്പെട്ടു.
ഹുണ്ടായ്കാര്‍ പൂര്‍ണമായി തകര്‍ന്ന നിലയിലാണ്. പോലീസെത്തിയാണ് ക്രെയിന്‍ ഉപയോഗിച്ച് കാറുകള്‍ നീക്കംചെയ്തത്.