ബാങ്ക് സെലക്ഷന്‍ കമ്മറ്റിയില്‍ നിന്നും കല്ലിങ്കീലിനെ നീക്കം ചെയ്തു-
തളിപ്പറമ്പ്: തളിപ്പറമ്പ് സര്‍വീസ് സഹകരണ ബേങ്ക് സെലക്ഷന്‍ കമ്മറ്റിയില്‍ നിന്നും കല്ലിങ്കീല്‍ പത്മനാഭനെ നീക്കം ചെയ്തു.
കഴിഞ്ഞ ദിവസം ചേര്‍ന്ന ബേങ്ക് ഭരണസമിതി യോഗത്തിലാണ് കല്ലിങ്കീലിനെ കമ്മറ്റിയില്‍ നിന്ന് നീക്കിയത്.
പകരം ബാങ്ക് പ്രസിഡന്റ് അഡ്വ.ടി.ആര്‍.മോഹന്‍ദാസ്, വൈസ് പ്രസിഡന്റ് എ.പി.അബ്ദുള്‍ഖാദര്‍, കുഞ്ഞമ്മതോമസ് എന്നിവരെയാണ് പുതുതായി സെലക്ഷന്‍ കമ്മറ്റിയിലേക്ക് തെരഞ്ഞെടുത്തത്.
കളിയാട്ടം നാരായണനെയും സെലക്ഷന്‍ കമ്മറ്റിയില്‍ നിന്ന് ഒഴിവാക്കിയിട്ടുണ്ട്.
പി.വി.രുഗ്മിണി, കെ.എന്‍.അഷറഫ് എന്നിവരും യോഗത്തില്‍ പങ്കെടുത്ത മുന്‍ പ്രസിഡന്റ് കല്ലിങ്കീല്‍ പത്മനാഭനും ഇതിനെ എതിര്‍ത്തുവെങ്കിലും
ഡി.സി.സി നേതൃത്വത്തിന്റെ നിര്‍ദ്ദേശപ്രകാരമാണ് നടപടിയെന്ന് ബാങ്ക് പ്രസിഡന്റ് മോഹന്‍ദാസ് യോഗത്തെ അറിയിച്ചതോടെ എല്ലാവരും തീരുമാനം അംഗീകരിക്കുകയായിരുന്നു.