അധ്യാപക നിയമനങ്ങള്‍ അംഗീകരിക്കണം: കെ.പി.എസ്.ടി.എ.

തളിപ്പറമ്പ്: മുഴുവന്‍ അധ്യാപക നിയമനങ്ങളും അംഗീകരിക്കണമെന്ന് കെ.പി.എസ്.ടി.എ തളിപ്പറമ്പ ബ്രാഞ്ച് സമ്മേളനം സര്‍ക്കാരിനോടാവശ്യപ്പെട്ടു.

സമ്മേളനം കെ.പി.എസ്.ടി.എ ജില്ലാ ജോ.സെക്രട്ടറി കെ.വി.മെസ്മര്‍ ഉദ്ഘാടനം ചെയ്തു. പി.എം.മൂസ അധ്യക്ഷത വഹിച്ചു.

സംസ്ഥാന കൗണ്‍സിലര്‍ പി.വി.സജീവന്‍ മുഖ്യഭാഷണം നടത്തി. ടി.അംബരീഷ്, കെ.പി.വിജേഷ്, എ.കെ.ഉഷ സംസാരിച്ചു. മികച്ച എന്‍.എസ്.എസ് പ്രോഗ്രാം ഓഫീസറായി തെരഞ്ഞെടുത്ത പി.വി.രസ്‌നമോള്‍, കായിക പരിശീലനത്തില്‍ മികവ് തെളിയിച്ച കെ.ജഗദീശന്‍ എന്നിവരെ സമ്മേളനത്തില്‍ അനുമോദിച്ചു.

കെ.കെ.അശ്വിന്‍ സ്വാഗതവും ശ്യാം കൃഷ്ണന്‍ നന്ദിയും പറഞ്ഞു. ഭാരവാഹികള്‍: കെ.ജഗദീഷ് (പ്രസിഡണ്ട്), ശ്യാം കൃഷ്ണന്‍ (സെക്രട്ടറി), അശ്വിന്‍.കെ.കെ.(ട്രഷറര്‍).