ഭാര്യാമാതാവിനെ മര്‍ദ്ദിച്ചതിന് മരുമകന്റെ പേരില്‍ കേസ്.
തളിപ്പറമ്പ്: ഫോണില്‍ കളിക്കല്ലേ എന്ന് ചെറുമകനോട് പറഞ്ഞത് തന്നോടാണെന്ന് തെറ്റിദ്ധരിച്ച് ഭാര്യാമാതാവിനെ മുറ്റത്തിട്ട് ചവിട്ടുകയും അടിക്കുകയും ചെയ്തതിന് മകളുടെ ഭര്‍ത്താവ് സുനില്‍കുമാറിന്റെ പേരില്‍ തളിപ്പറമ്പ് പോലീസ് കേസെടുത്തു.
കുപ്പം മരത്തക്കാട്ടെ പുതിയപുരയില്‍ ലീലക്കാണ്(67)മരുമകന്റെ മര്‍ദ്ദനത്തില്‍ പരിക്കേറ്റത്.
സപ്തംബര്‍ 14 ന് രാവിലെ 11 നായിരുന്നു കേസിനാസ്പദമായ സംഭവം നടന്നത്. വീട്ടില്‍ വെച്ച് ചെറുമകനോട് ഫോണില്‍ കളിക്കല്ലേ എന്ന് ലീല ഗുണദോഷിച്ചത് തന്നോടാണെന്ന് തെറ്റിദ്ധരിച്ച് അശ്ലീലഭാഷയില്‍ ചീത്തവിളിക്കുകയും കൈകൊണ്ട് മുഖത്തടിക്കുകയും ചവിട്ടുകയും ചെയ്തുവെന്നാണ് പരാതി.