സ്‌പ്രേയടിച്ച് കവര്‍ച്ച നടത്തിയ മോഷ്ടാവ് അറസ്റ്റില്‍
പയ്യന്നൂര്‍: കുഞ്ഞിമംഗലത്ത് തുണിക്കടയില്‍ കയറി യുവതിയുടെ മുഖത്ത് സ്‌പ്രേ അടിച്ച് മാലയും പണവും കവര്‍ന്ന സംഭവത്തില്‍ പ്രതി പിടിയില്‍.
ചെമ്പല്ലിക്കുണ്ടില്‍ താമസിക്കുന്ന തൃശൂര്‍ വില്ലന്നൂര്‍ സ്വദേശി കെ.വി.പ്രമോദിനെയാണ(43) പയ്യന്നൂര്‍ പോലീസ് അറസ്റ്റ് ചെയ്തത് .
കഴിഞ്ഞ സെപ്തംബര്‍-12 ന് കുഞ്ഞിമംഗലംതലായി മുക്കില്‍ വസ്ത്രവ്യാപാരം നടത്തുന്ന യുവതിയുടെ സ്ഥാപനത്തില്‍ കയറിയ മോഷ്ടാവ് മുഖത്ത്‌സ് പ്രേ അടിച്ച് മാലയും വളയും പണവും കവര്‍ന്നു രക്ഷപ്പെടുകയായിരുന്നു.
തലായി മുക്ക് ഏഴിലോട് റോഡില്‍ സഞ്ജന ഗാര്‍മെന്റസ് നടത്തുന്ന മുട്ടം വെങ്ങരയിലെഎം.വി.സൗമ്യയുടെ രണ്ട് പവന്റെ മാലയും മുക്കാല്‍ പവന്റെ വളയും പേഴ്‌സില്‍ കരുതിയ പണവുമാണ് കവര്‍ന്നത്.
സൈക്കിളിലെത്തിയ മോഷ്ടാവ് കടയില്‍ കയറിയ ശേഷം യുവതിയുടെ മുഖത്ത് സ്‌പ്രേ അടിച്ച ശേഷം മാല കവര്‍ന്ന് രക്ഷപ്പെടുകയായിരുന്നു.
യുവതിയുടെ മുഖത്ത് സ്‌പ്രേ അടിച്ച് ദേഹാസ്വാസ്ഥ്യമുണ്ടാക്കിയാണ് മോഷ്ടാവ് കവര്‍ച്ച നടത്തി രക്ഷപ്പെട്ടത്.