ഓണക്കോടിയും സാമ്പത്തിക സഹായവുമായി ഐ.ആര്‍.പി.സി
മാട്ടൂല്‍ നോര്‍ത്ത്: ഓണം സമൃദ്ധമാക്കാന്‍ ജനകീയ കൂട്ടായ്മയില്‍ കിടപ്പ് രോഗികള്‍ക്കും വാര്‍ദ്ധക്യസഹജമായ പ്രയാസമനുഭവിക്കുന്നവര്‍ക്കും ഓണക്കോടിയും സാമ്പത്തിക സഹായവും നല്‍കി.
ഇട്ടമ്മല്‍ പ്രദേശത്തെ പതിനൊന്ന് കുടുംബങ്ങള്‍ക്കാണ് പ്രവാസികളുടെയുള്‍പ്പടെയുള്ളവരുടെ സഹകരണത്തോടെ ഐആര്‍പിസി നേതൃത്വത്തില്‍ വസ്ത്രങ്ങളും സാമ്പത്തിക സഹായമെത്തിച്ചത്.
ഐആര്‍പിസി പാപ്പിനിശേരി സോണല്‍ കമ്മിറ്റിയംഗം സി.പ്രകാശന്‍ ഉദ്ഘാടനം ചെയ്തു.
ഐ ആര്‍ പി സി മാട്ടൂല്‍ ലോക്കല്‍ ഗ്രൂപ്പ് ചെയര്‍മാന്‍ എ.ശശി, സിപിഎം ഇട്ടമ്മല്‍ ബ്രാഞ്ച് സെക്രട്ടറി പി.രാജേഷ്, പി.രാജീവന്‍, സി.പ്രമോദ്, എം.സുധീഷ്, പോള രവി, കെ.പ്രേമന്‍ എന്നിവര്‍ സംബന്ധിച്ചു.