ഇര്‍ഫാന്റെ തളരാത്ത കാലുകള്‍ക്ക് നേട്ടം കൊയ്യാന്‍ നിസാര്‍ അബ്ദുള്‍റഹ്മാന്റെ സഹായഹസ്തം-
തളിപ്പറമ്പ്: ട്രാക്കില്‍ തിളങ്ങാന്‍ കേള്‍വിയും സംസാരക്കുറവും തടസമല്ലെന്ന് ഒരിക്കല്‍ക്കൂടി തെളിയിച്ച എ.പി.ഇര്ഫാന് നിസാര്‍ അബ്ദുല്‍ റഹ്മാന്റെ സഹായ ഹസ്തം.
10,000 മീറ്റര്‍ ദീര്‍ഘദൂര ഓട്ട മത്സരത്തില്‍ സംസ്ഥാന തലത്തില്‍ ഒന്നാം സ്ഥാനം നേടിയ ഈ മിടുക്കന് ദേശീയ മല്‍സരത്തില്‍ പങ്കെടുക്കാന്‍ മധ്യപ്രദേശില്‍ എത്തേണ്ടതുണ്ട്.
പാചക തൊഴിലാളിയായ കുറുമാത്തൂര്‍ കോട്ടുപുറത്തെ എ.പി.താജുദ്ദീന്റെ മകനായ ഇര്ഫാന് ഫെബ്രുവരി 3 ന് നടക്കുന്ന മല്‍സരത്തില്‍ പങ്കെടുക്കാനുള്ള സാമ്പത്തികം സ്വരൂപിക്കാനായി മുന്‍ പഞ്ചായത്തംഗവും പൊതു-സാമൂഹ്യ പ്രവര്‍ത്തകനുമായ എന്‍.പി.റസാക്ക് മുന്നിട്ടിറങ്ങിയിരുന്നു.
റസാക്കില്‍ നിന്നും വിവരമറിഞ്ഞാണ് നബ്രാസ് ചെയര്‍മാനും എം.ഡിയുമായ ടി.കെ.നിസാര്‍ ഇര്‍ഫാന്റെ വീട്ടിലെത്തി മധ്യപ്രദേശ് യാത്രക്കുള്ള സാമ്പത്തിക സഹായം കൈമാറിയത്.
കാരക്കുണ്ട് ഡോണ്‍ ബോക്‌സോ സ്പീച്ച് ആന്റ് ഹിയറിംഗ് സ്‌ക്കൂളിലെ വിദ്യാര്‍ത്ഥിയാണ് ഇര്ഫാന്.