മനോരമ ബുക്‌സ് നിങ്ങളുടെ നോവല്‍ മല്‍സരം-മാധ്യമപ്രവര്‍ത്തകന്‍ കെ.സുജിത്ത് കരിവെള്ളൂരിന്റെ നോവല്‍ തെരഞ്ഞെടുത്തു-
കോട്ടയം: മനോരമ ബുക്‌സ് നടത്തിയ നോവല്‍ മല്‍സരത്തില്‍ മാധ്യമപ്രവര്‍ത്തകന്‍ കെ.സുജിത്ത് കരിവെള്ളൂരിന്റെ നോവല്‍ തെരഞ്ഞെടുക്കപ്പെട്ടു.
യുവനോവലിസ്റ്റുകള്‍ക്ക് സ്വന്തം രചനകള്‍ പ്രസിദ്ധീകരിക്കാന്‍ അവസരം നല്‍കുന്നതിന് ‘നിങ്ങളുടെ നോവല്‍‘– എന്ന പേരില്‍ നടത്തിയ മല്‍സരത്തിലാണ് സുജിത്തിന്റെ നോവല്‍ തെരഞ്ഞെടുത്തത്.
നൂറുകണക്കിന് നോവലുകളാണ് ഇതിനായി മനോരമ ബുക്‌സിന് ലഭിച്ചത്. സുജിത്തിനെ കൂടാതെ ഗോവിന്ദന്‍, ഇഹ്ജാസ് അബ്ദുള്ള എന്നിവരുടെ നോവലുകളുള്‍പ്പെടെ മൂന്ന് നോവലുകളാണ് നിങ്ങളുടെ നോവല്‍ മല്‍സരത്തില്‍ തെരഞ്ഞെടുക്കപ്പെട്ടത്.
പുസ്തകങ്ങള്‍ മനോരമ ബുക്‌സ് ഉടന്‍ പ്രസിദ്ധീകരിക്കും.
മംഗളം ദിനപത്രം കണ്ണൂര്‍ ബ്യൂറോചീഫായി പ്രവര്‍ത്തിക്കുന്ന സുജിത്ത് നേരത്തെ സര്‍വകലാശാലാ യൂണിയന്‍ കലോല്‍സവങ്ങളില്‍ രചനാ മല്‍സരങ്ങളില്‍ മികവ് തെളിയിച്ചിരുന്നു.
പത്രപ്രവര്‍ത്തനരംഗത്തും സംസ്ഥാന ഗവണ്‍മെന്റ് അവാര്‍ഡുകള്‍ ഉള്‍പ്പെടെ നിരവധി അവാര്‍ഡുകള്‍ ലഭിച്ചിട്ടുണ്ട്. കരിവെള്ളൂര്‍ സ്വദേശിയാണ്.