കടംവാങ്ങിയ പണം നല്‍കാമെന്ന് പറഞ്ഞ് ഭര്‍തൃമതിയെ പീഡിപ്പിച്ചതായി പരാതി-ബസ് കണ്ടക്ടര്‍ക്കെതിരെ കേസ്-
തലശ്ശേരി: കടം വാങ്ങിയ പണവും സ്വര്‍ണ്ണാഭരണങ്ങളും നല്‍കാമെന്ന് പറഞ്ഞ് വിശ്വസിപ്പിച്ച് ഭര്‍തൃമതിയെ ലോഡ്ജില്‍ കൂട്ടികൊണ്ട് പോയി പീഡിപ്പിച്ചതായി പരാതി.
ഇത് സംബന്ധിച്ച് പഴയങ്ങാടി-ഏഴോം-നരിക്കോട്-കൊട്ടില റൂട്ടില്‍ സര്‍വ്വീസ് നടത്തുന്ന സ്വകാര്യ ബസ്സ് കണ്ടക്ടര്‍ ആയ പ്രസാദിനെതിരെ തലശ്ശേരി പോലീസ് കേസെടുത്തു.
2021 സപ്തംബര്‍ 23 ന് യുവതിയെ പ്രസാദ് തലശ്ശേരിയില്‍ എത്തിച്ച് പഴയ ബസ്റ്റാന്റിനടുത്തുള്ള പാര്‍ക്കോ ലോഡ്ജില്‍ മുറിയെടുത്ത് പീഡിപ്പിച്ചു എന്നാണ് പരാതി.
പരാതിക്കാരിയായ 23 കാരി സ്ഥിരമായി പ്രസാദിന്റെ ബസ്സിലെ സ്ഥിരം യാത്രക്കാരിയാണത്രെ.
പരിചയത്തിന്റെ പേരില്‍ പ്രസാദ് അമ്പതിനായിരം രൂപയും, അഞ്ച് പവന്‍ ആഭരണങ്ങളും കടം വാങ്ങിച്ചിരുന്നു.
ഇത് തിരികെ നല്‍കാമെന്ന് പറഞ്ഞാണ് യുവതിയെ തലശ്ശേരിയില്‍ എത്തിച്ച് പീഡിപ്പിച്ചതെന്നാണ് പരാതി.
ഐ.പി.സി.406, 376 വകുപ്പുകള്‍ പ്രകാരമാണ് പോലീസ് കേസെടുത്തത്.