മുന് മന്ത്രി വി.കെ.ഇബ്രാഹിംകുഞ്ഞ്(73)നിര്യാതനായി.
കൊച്ചി: മുന് മന്ത്രിയും മുസ്ലിം ലീഗ് സംസ്ഥാന വൈസ് പ്രസിഡന്റുമായ വി.കെ.ഇബ്രാഹിംകുഞ്ഞ്(73)നിര്യാതനായി.
കൊച്ചിയിലെ സ്വകാര്യ ആശുപത്രിയില് ശ്വാസകോശ അര്ബുദത്തെതുടര്ന്ന് ചികില്സയിലായിരുന്നു.
നാലു തവണ എംഎല്എയും രണ്ടു തവണ മന്ത്രിയുമായി.
2001-2006ലെ യുഡിഎഫ് മന്ത്രിസഭയില് വ്യവസായ മന്ത്രിയായിരുന്ന പികെ കുഞ്ഞാലിക്കുട്ടി രാജിവച്ചപ്പോഴാണ് ഇബ്രാഹിംകുഞ്ഞ് ആദ്യമായി മന്ത്രിയായത്.
2011 മുതല് 2016 വരെ ഉമ്മന്ചാണ്ടി മന്ത്രിസഭയില് വ്യവസായ മന്ത്രിയായി.
2001-ല് മട്ടാഞ്ചേരിയില് നിന്ന് ആദ്യ നിയമസഭാ തെരഞ്ഞെടുപ്പ് വിജയിച്ചു.
2006ല് മട്ടാഞ്ചേരിയില് നിന്നും 2011-ലും 2016-ലും കളമശ്ശേരിയില് നിന്നും വിജയിച്ചു.
ലീഗിന്റെ തൊഴിലാളി യൂണിയനായ എസ്ടിയുവിന്റെ വിവിധ ഘടകങ്ങളുടെ ഭാരവാഹിയായും മുസ്ലിം ലീഗ് ജില്ലാ അധ്യക്ഷ സ്ഥാനവും വഹിച്ചിട്ടുണ്ട്.
പാലാരിവട്ടം പാലം അഴിമതിക്കേസില് വി.കെ.ഇബ്രാഹിംകുഞ്ഞിനെ വിജിലന്സ് അറസ്റ്റ് ചെയ്തിരുന്നു