മാനനഷ്ടക്കേസില് വി.എസ്.അപ്പീലിന്
തിരുവനന്തപുരം: മാനനഷ്ടക്കേസില് ഉമ്മന്ചാണ്ടിക്ക് നഷ്ടപരിഹാരം നല്കണമെന്ന സബ്കോടതി വിധിക്കെതിരേ അപ്പീല് നല്കുമെന്ന് വിഎസ് അച്യുതാനന്ദന്റെ ഓഫീസ്.
ഇത്തരം കേസുകളില് കീഴ്കോടതികളില് നിന്ന് നീതി കിട്ടിക്കൊള്ളണമെന്നില്ലെന്ന് വിഎസ് അച്യുതാനന്ദന്റെ ഓഫീസില് നിന്ന് അറിയിച്ചു.
ഫെയ്സ്ബുക്കില് കൂടിയായിരുന്നു പ്രതികരണം. കോടതി വ്യവഹാരങ്ങളില് നീതി എപ്പോഴും കീഴ്കോടതിയില് നിന്നും കിട്ടികൊള്ളണമില്ലെന്ന മുന്കാല നിയമപോരാട്ടങ്ങളില് പലതിലും കണ്ടതാണ്.
സോളാര് കേസില് ഉമ്മന് ചാണ്ടിക്ക് എതിരെ നടത്തിയ പരാമര്ശങ്ങള് ഉമ്മന് ചാണ്ടിക്ക് അപകീര്ത്തിപരമായിതോന്നി എന്നത്, അദ്ദേഹത്തിന്റെ വ്യക്തിപരമായ തോന്നല് ആണ്.
പരാമര്ശങ്ങള്ക്ക് അടിസ്ഥാനമായ സോളാര് കമ്മീഷന് റിപ്പോര്ട്ട് ചോദ്യം ചെയ്ത് ഉമ്മന് ചാണ്ടിതന്നെ ഹൈക്കോടതിയില് പോയിരുന്നു എങ്കിലും അത് തള്ളിപ്പോവുകയായിരുന്നു.
വൈകാരികമായിട്ടാണ് സബ്കോടതി കേസ് പരിഗണിച്ചത്. എന്നാല് വൈകാരികമായിട്ടല്ല കേസ് പരിഗണിക്കേണ്ടിയിരുന്നത്.
നിയമപരമായും തെളിവുകള് നിരത്തിയുള്ള വിലയിരുത്തലുമാണ് ഉണ്ടാകേണ്ടിയിരുന്നത്. ഇത് ഉണ്ടാകാത്ത കാര്യം കോടതിയെ അറിയിക്കുമെന്ന് വി എസിന്റെ ഓഫീസില് നിന്ന് അറിയിച്ചു.
ഫെയ്സ്ബുക്ക് പോസ്റ്റിന്റെ പൂര്ണരൂപം
സോളാര് അഴിമതിയില് ഉമ്മന് ചാണ്ടിയുടെ പങ്കിനെപറ്റി ‘റിപ്പോര്ട്ടര് ചാനല്’ അഭിമുഖത്തില്പറഞ്ഞ കാര്യങ്ങള് അദ്ദേഹത്തിന് അപകീര്ത്തികരമാണ് എന്നു പറഞ്ഞാണ് നഷ്ടപരിഹാരത്തിന് കേസ് ഫയല് ചെയ്തത്.
എന്നാല് പ്രതിപക്ഷ നേതാവായിരുന്ന വി. എസ് പറഞ്ഞ കാര്യങ്ങള് അടങ്ങിയ മുഖാമുഖം രേഖകള് ഒന്നും തന്നേ ഉമ്മന്ചാണ്ടി കോടതിയില്ഹാജരാക്കുകയൊ തെളിയിക്കുകയോ ചെയ്തിട്ടില്ല.
എന്നാല് ഉമ്മന്ചാണ്ടിയുടെ പങ്കു തെളിയിക്കുന്ന, അദ്ദേഹം തന്നെ നിയമിച്ചിരുന്ന ജസ്റ്റിസ് ശിവരാജന് കമ്മീഷന്റെ റിപ്പോര്ട്ടും തുടര്ന്ന് സര്ക്കാര് റിപ്പോര്ട്ട് അംഗീകരിച്ചുകൊണ്ട് ഉമ്മന് ചാണ്ടിയ്ക്കെതിരെ എടുത്ത നടപടി റിപ്പോര്ട്ടും സര്ക്കാര് ഉദ്യോഗസ്ഥന്മാര് സാക്ഷിയായി വന്നു തെളിയിച്ചിട്ടുണ്ട്.
ഈ വസ്തുതകള് ഒന്നും പരിഗണിക്കാതെയുള്ള 22/01/2022 ലെ സബ്കോടതി വിധിക്ക് എതിരെ അപ്പീല് നടപടി സ്വീകരിക്കുമെന്ന് വി.എസിന്റെ ഓഫീസ് അറിയിച്ചു.
കോടതി വ്യവഹാരങ്ങളില് നീതി എപ്പോഴും കീഴ്കോടതിയില് നിന്നും കിട്ടികൊള്ളണമില്ലെന്ന മുന്കാല നിയമപോരാട്ടങ്ങളില് പലതിലും കണ്ടതാണ്.
സോളാര് കേസില് ഉമ്മന് ചാണ്ടിക്ക് എതിരെ നടത്തിയ പരാമര്ശങ്ങള് ഉമ്മന് ചാണ്ടിക്ക് അപകീര്ത്തിപരമായിതോന്നി എന്നത്, അദ്ദേഹത്തിന്റെ വ്യക്തിപരമായ തോന്നല് ആണ്.
പരാമര്ശങ്ങള്ക്ക്അടിസ്ഥാനമായ സോളാര് കമ്മീഷന് റിപ്പോര്ട്ട് ചോദ്യം ചെയ്ത് ഉമ്മന് ചാണ്ടിതന്നെ ഹൈക്കോടതിയില് പോയിരുന്നു എങ്കിലും അത് തള്ളി പോവുകയായിരുന്നു.
സോളാര് കമ്മീഷന് കണ്ടെത്തിയ വസ്തുതകള് പ്രതിപക്ഷ നേതാവ് എന്ന നിലയില് പൊതുശ്രദ്ധയില് കൊണ്ട് വരുന്നത് പൊതു പ്രവര്ത്തകന് എന്ന കര്ത്തവ്യബോധം മുന്നിര്ത്തി ഉള്ളത് ആണ് എന്ന് അപ്പീല്കോടതി കണ്ടെത്തും എന്ന് ഉറപ്പ് ഉള്ളതിനാലും,
കീഴ്കോടതിയുടെ വിധി യുക്തി സഹമല്ലാത്തതിനാലും ഇത് കീഴ്കോടതി വൈകാരികമായി അല്ല, നിയമപരമായും വസ്തുനിഷ്ഠമായും തെളിവുകള് വിലയിരുത്തിയുള്ള
നടപടിക്രമങ്ങള് ആയിരുന്നു അവലംബിക്കേണ്ടിയിരുന്നത് എന്ന ഒരു അഭിപ്രായംകൂടി അപ്പീല് കോടതി നടത്തും എന്ന പ്രത്യാശയില്, അപ്പീല് നടപടികളും ആയി മുന്നോട്ട് പോകുമെന്ന് ഓഫീസ് അറിയിച്ചു.