കഞ്ചാവുമായി യുവാവിനെ പോലീസ് പിടികൂടി. 

തളിപ്പറമ്പ്: കഞ്ചാവുമായി യുവാവിനെ പോലീസ് പിടികൂടി.  തളിപ്പറമ്പ് ബദരിയ്യാനഗറിലെ മുഹ്‌സിന ക്വാര്‍ട്ടേഴസില്‍ പി.പി.ഷുഹൈബ്(34)നെയാണ് എസ്.ഐ ദിനേശന്‍ കൊതേരിയുടെ നേതൃത്വത്തില്‍ പിടികൂടിയത്.

23 ന് രാത്രി 11 ന് നഗരസഭാ ബസ്റ്റാന്റിലെ മൂത്രപ്പുരക്ക് സമീപം വെച്ചാണ് ഷുഹൈബ് പിടിയിലായത്.

100 ഗ്രാം കഞ്ചാവ് ഇയാളില്‍ നിന്ന് പിടിച്ചെടുത്തു.

റുറല്‍ ജില്ലാ പോലീസ് മേധാവിയുടെ നിയന്ത്രണത്തില്‍ പ്രവര്‍ത്തിക്കുന്ന ഡാന്‍സാഫ് ടീമിന് ലഭിച്ച രഹസ്യവിവരത്തെ തുടര്‍ന്നാണ് ഷുഹൈബ് വലയിലായത്.

ഇയാളുടെ സംഘത്തിലെ മറ്റ് ചിലരെക്കുറിച്ച് വിവരങ്ങള്‍ ലഭിച്ചതിന്റെ അടിസ്ഥാനത്തില്‍ പോലീസ് കൂടുതല്‍ അന്വേഷണങ്ങള്‍ നടത്തിവരികയാണ്.

ഗ്രേഡ് എ.എസ്.ഐ ഷിജോ അഗസ്റ്റിന്‍, ഡാന്‍സാഫ് ടീമിലെ ഷിജുമോന്‍ എന്നിവരും പോലീസ് സംഘത്തില്‍ ഉണ്ടായിരുന്നു.