മാഹിമദ്യവുമായി കെ.പി.റിയാസ് അറസ്റ്റില്‍.
ശ്രീകണ്ഠാപുരം: ഇരിക്കൂര്‍ ടൗണിലെ പ്രധാന മാഹിമദ്യ വില്‍പ്പനക്കാരനായ യുവാവ് അഞ്ച് ലിറ്റര്‍ പുതുച്ചേരി മദ്യം സഹിതം എക്‌സൈസ് കസ്റ്റഡിയില്‍.
ക്രിസ്തുമസ്-ന്യൂഇയര്‍ സ്‌പെഷ്യല്‍ ഡ്രൈവിന്റെ ഭാഗമായി ശ്രീകണ്ഠാപുരം എക്‌സൈസ് റേഞ്ച് ഓഫീസിലെ പ്രിവന്റീവ് ഓഫീസര്‍ പി.സി. വാസുദേവന്റെ നേതൃത്വത്തില്‍ മാമാനം, പെരുവളത്ത്പറമ്പ്, ഇരിക്കൂര്‍ ടൗണ്‍ ഭാഗങ്ങളില്‍ നടത്തിയ റെയ്ഡിലാണ് ഇരിക്കൂര്‍ ടൗണില്‍ നാളുകളായി മാഹിമദ്യ വില്‍പ്പന നടത്തിവന്ന ഇരിക്കൂര്‍ ടൗണില്‍ താമസിക്കുന്ന കുന്നുമ്പുറത്ത് വീട്ടില്‍ മുഹമ്മദിന്റെ മകന്‍ കെ.പി.റിയാസ്(46) പിടിയിലായത്.
അഞ്ച് ലിറ്റര്‍ മാഹി മദ്യം പിടിച്ചെടുത്തു. അബ്കാരി നിയമപ്രകാരം കേസെടുത്തു.
റെയ്ഡില്‍ പ്രിവന്റീവ് ഓഫീസര്‍ പി.ആര്‍.സജീവ്, ഗ്രേഡ് പ്രിവന്റീവ് ഓഫീസര്‍ പി.എ.രഞ്ജിത്ത്കുമാര്‍ എന്നിവര്‍ പങ്കെടുത്തു.