വയനാട് ദുരന്ത മേഖലയിലെ സേവനം: വൈറ്റ് ഗാര്‍ഡിനെ ആദരിച്ചു.
തളിപ്പറമ്പ്: വയനാട് ഉരുള്‍പൊട്ടലില്‍ ഉറ്റവരും ഉടയവരും നഷ്ടപെട്ട കുടുംബങ്ങളെ ചേര്‍ത്ത് പിടിക്കുകയും, ജീവന്‍ പോലും ശ്രദ്ദിക്കാതെ നിസ്വാര്‍ത്ഥ സേവനം ചെയ്ത തളിപ്പറമ്പ് മുനിസിപ്പല്‍ വൈറ്റ് ഗാര്‍ഡ് അംഗങ്ങളെ മുസ്ലിം യൂത്ത് ലീഗ് തളിപ്പറമ്പ് മുനിസിപ്പല്‍ കമ്മിറ്റിയുടെ നേതൃത്വത്തില്‍ ആദരിച്ചു.
യൂത്ത്‌ലീഗ് തളിപ്പറമ്പ് മുനിസിപ്പല്‍ പ്രസിഡന്റ് കെ.പി.നൗഷാദിന്റെ അധ്യക്ഷതയില്‍ യൂത്ത് ലീഗ് കണ്ണൂര്‍ ജില്ലാ ജന.സക്രട്ടറി പി.സി.നസീര്‍ ഉദ്ഘാടനം ചെയ്തു.
വൈറ്റ് ഗാര്‍ഡ് മണ്ഡലം വൈസ് ക്യാപ്റ്റന്‍ ഹനീഫ മദ്രസ, മുനിസിപ്പല്‍ വൈസ് ക്യാപ്റ്റന്‍ സി. പി.നൗഫല്‍, അംഗങ്ങളായ പി.വി.അഷീര്‍, എം.ജുനൈദ എന്നിവര്‍ക്കുള്ള മുനിസിപ്പല്‍ കമ്മിറ്റിയുടെ സ്‌നേഹോപഹാരം യൂത്ത് ലീഗ് കണ്ണൂര്‍ ജില്ലാ വൈസ് പ്രസിഡന്റ് ഫൈസല്‍ ചെറുകുന്നോന്‍ വിതരണം ചെയ്തു.
മുസ്ലിം ലീഗ് തളിപ്പറമ്പ് മണ്ഡലം പ്രസിഡന്റ് ഒ.പി.ഇബ്രാഹിം കുട്ടി മാസ്റ്റര്‍, ജന.സെക്രട്ടറി മുസ്തഫ കൊടിപ്പോയില്‍, കുവൈറ്റ് കെ.എം.സി.സി കണ്ണൂര്‍ ജില്ലാ പ്രസിഡന്റ് നാസര്‍ തളിപ്പറമ്പ് എന്നിവര്‍ അതിഥികളായി സംബന്ധിച്ചു.
മുസ്ലിം യൂത്ത് ലീഗ് മണ്ഡലം ജന.സക്രട്ടറി എന്‍.യു.ഷഫീഖ് ഹുദവി, സീനിയര്‍ വൈസ് പ്രസിഡന്റ് ജാഫര്‍ ഓലിയന്‍, മുസ്ലിം യൂത്ത് ലീഗ് മുനിസിപ്പല്‍ ഭാരവാഹികളായ പി.എ.ഇര്‍ഫാന്‍, കെ.മുഹമ്മദ് അഷ്റഫ്, ഫിയാസ് അള്ളാംകുളം എന്നിവര്‍ സംസാരിച്ചു.
ജന.സെക്രട്ടറി എന്‍.എ.സിദ്ദീഖ് സ്വാഗതവും സെക്രട്ടറി ഹനീഫ മദ്രസ നന്ദിയും പറഞ്ഞു.