ഭാര്യ തുണി ഉണക്കാനിട്ടതിന് ഭര്‍ത്താവിനെ കുത്തിക്കൊല്ലാന്‍ ശ്രമം.
പഴയങ്ങാടി: ഭാര്യ അയയില്‍ തുണി ആറിയിട്ടതിന് ഭര്‍ത്താവിനെ കത്തികൊണ്ട്കുത്താന്‍ ശ്രമിച്ചതായി പരാതി.
മാട്ടൂല്‍ നോര്‍ത്ത് കക്കാടന്‍ചാലിലെ മുട്ടോന്‍ കുഞ്ഞിപ്പുരയില്‍ എം.കെ.സുബൈറിന്റെ(47)പരാതിയിലാണ് പഴയങ്ങാടി പോലീസ് ഹനീഫ എന്നയാള്‍ക്കെതിരെ കേസെടുത്തത്.
28 ന് രാവിലെ 11 നായിരുന്നു സംഭവം.
സുബൈറിന്‍രെ ഭാര്യ ഹനീഫയുടെ വീട്ടുകിണറിന് സമീപത്തെ അയയില്‍ തുണി ഉണങ്ങാനിട്ടതിന്റെ വിരോധത്തിന് സുബൈറിനെ തടഞ്ഞുനിര്‍ത്തി കത്തികൊണ്ട് വയറിന് കുത്താന്‍
ശ്രമിച്ചപ്പോള്‍ ഒഴിഞ്ഞുമാറിയതിനാല്‍ മാത്രമാണ് ജീവന്‍ നഷ്ടപ്പെടാതിരുന്നതെന്നാണ് പരാതി.