കാറും ബൈക്കും കൂട്ടിയിടിച്ച് പരിക്കേറ്റ യുവാവ് മരിച്ചു-
സംസ്‌ക്കാരം നാളെ
തളിപ്പറമ്പ് : വാഹനാപകടത്തില്‍ പരിക്കേറ്റ് ചികില്‍സയിലായിരുന്ന യുവാവ് മരിച്ചു.
പന്നിയൂരിലെ സി.എം.നൗഷാദ്(38)ആണ് മരിച്ചത്.
ഇക്കഴിഞ്ഞ അഞ്ചാം തീയതി ഞായറാഴ്ച്ച പൂവ്വം ബില്‍ഡ് ആര്‍ട്ടിന് മുന്നില്‍ വെച്ച് നൗഷാദ് സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു.
ഗുരുതരമായി പരിക്കേറ്റ ഇദ്ദേഹത്തെ ഉടന്‍ കണ്ണൂര്‍ ഗവ.മെഡിക്കല്‍ കോളേജിലും പിന്നീട് മംഗലാപുരത്തേയും ആശുപത്രിയില്‍ പ്രവേശിപ്പിച്ചിരുന്നു.
പരിയാരത്തേക്ക് തിരിച്ചുകൊണ്ടുവന്ന നൗഷാദ് ഇന്ന് ഉച്ചക്ക് 1.35 നാണ് ഐ.സി.യുവില്‍ വെച്ച് മരണപ്പെട്ടത്.
കരുവഞ്ചാല്‍ സ്വദേശിയാണ്.
ഭാര്യ: അഫ്‌സത്ത്.
മക്കള്‍: നജ ഫാത്തിമ(ജി.എല്‍.പി.എസ് പന്നിയൂര്‍), ഹിബ ഫാത്തിമ(അംഗന്‍വാടി).
മൃതദേഹം മെഡിക്കല്‍ കോളേജ് മോര്‍ച്ചറിയില്‍.