സര്ക്കാര് നേഴ്സുമാര്ക്ക് ജോലിസ്ഥലത്ത് സുരക്ഷയോ അര്ഹിക്കുന്ന വേതനമോ ലഭിക്കുന്നില്ല അഡ്വ.സജീവ് ജോസഫ് എം.എല്.എ
പരിയാരം: അര്പ്പണബോധത്തോടെ പ്രവര്ത്തിക്കുന്ന നേഴ്സുമാര്ക്ക് ആശുപത്രികളില് സുരക്ഷിതത്വത്തോടെ ജോലി ചെയ്യാന് സാധിക്കാത്ത സ്ഥിതിയാണെന്ന് സജീവ് ജോസഫ് എം.എല്.എ.
കേരള ഗവ. നഴ്സസ് യൂണിയന് കണ്ണൂര് ജില്ലാ സമ്മേളനം പരിയാരം സന്സാര് ഓഡിറ്റോറിയത്തില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കോവിഡ് ഉള്പ്പെടെയുള്ള പകര്ച്ചവ്യാധികളെ തടയാല് ജീവന് പണയം വെച്ച് ജോലി ചെയ്യുന്ന നേഴ്സുമാര്ക്ക് അര്ഹിക്കുന്ന പരിഗണന നല്കാന് സര്ക്കാര് തയ്യാറാകുന്നില്ലെന്നും അദ്ദേഹം കുറ്റപ്പെടുത്തി.
ജില്ലാ പ്രസിഡന്റ് സന്ദീപ് സിറിയക് അധ്യക്ഷത വഹിച്ചു.
മാധ്യമപ്രവര്ത്തകന് വിക്ടര് ജോസഫ് മുഖ്യാതിഥിയായിരുന്നു.
സംസ്ഥാന പ്രസിഡന്റ് കെ.എസ്.സന്തോഷ്, ജന.സെക്രട്ടെറി എസ്.എം.അനസ്, ഡി.സി.സി ജന.സെക്രട്ടറി രാജീവന് കപ്പച്ചേരി, യു.ഡബ്ല്യു.ഇ.സി ജില്ലാ പ്രസിഡന്റ് നൗഷാദ് ബ്ലാത്തൂര്,
എന്.ജി.ഒ.എ സംസ്ഥാന കമ്മറ്റി അംഗം യു.കെ. മനോഹരന്, കെ.ജി.എന്.യു സംസ്ഥാന സെക്രട്ടേറിയേറ്റ് അംഗം ബിജേഷ് തോമസ്, സംസ്ഥാന കമ്മറ്റി അംഗം റോബിന് ബേബി, കോഴിക്കോട് ജില്ലാ പ്രസിഡന്റ് സജിത്ത് ചെരണ്ടത്തൂര്, സ്വപ്ന ചാക്കോ എന്നിവര് പ്രസംഗിച്ചു.
പി. മുഹമ്മദ് ഷമീര് സ്വാഗതവും എം.ഷൈജ നന്ദിയും പറഞ്ഞു. നൂറിലേറെ പ്രതിനിധികള് സമ്മേളനത്തില് പങ്കെടുക്കുന്നുണ്ട്.