സൗഹൃദമല്‍സരത്തില്‍ സിറ്റിയെ റൂറല്‍ തോല്‍പ്പിച്ചു.

തളിപ്പറമ്പ്: സിറ്റിയും റൂറലും തമ്മിലുള്ള സൗഹൃദ വോളിബോള്‍ മല്‍സരത്തില്‍ റൂറല്‍ ടീം ജേതാക്കളായി.

നാല് സെറ്റ് മല്‍സരത്തില്‍ 3-1 നാണ് റൂറല്‍ ടീം വിജയിച്ചത്.

കേരളാ പോലീസ് ഓഫീസേഴ്സ് അസോസിയേഷന്‍ കണ്ണുര്‍ റൂറല്‍ ജില്ലാ പ്രഥമ സമ്മേളനത്തിന്റെ ഭാഗമായി സംസ്ഥാന

കമ്മറ്റി അംഗമായിരുന്ന പരേതനായ കെ.വി.സജീവന്‍ സ്മാരക സൗഹ്യദ വോളിബോള്‍ മത്സരത്തിലാണ് റൂറല്‍ ടീം വിജയം നേടിയത്.

മാങ്ങാട്ടു പറമ്പ് കെ.എ.പി ഗ്രൗണ്ടില്‍ നടന്ന മല്‍സരത്തില്‍ റൂറല്‍ ജില്ലാ പോലീസ് മേധാവി എം.ഹേമലത ഐ പി എസ് റൂറല്‍ ജില്ലക്ക് വേണ്ടി ജേഴ്സിയണിഞ്ഞു.

സംസ്ഥാന താരങ്ങള്‍ ഇരുടീമുകളിലും അണിനിരന്നിരുന്നു.

മാര്‍ച്ച് 22 ന് കാഞ്ഞിരങ്ങാട് ഇന്‍ഡോര്‍പാര്‍ക്കിലാണ് പോലീസ് ഓഫീസേഴ്‌സ് അസോസിയേഷന്‍ കണ്ണൂര്‍ റൂറല്‍ ജില്ലാ സമ്മേളനം നടക്കന്നത്.