കപ്പച്ചേരിയുടെ സ്മാരകം അങ്ങനെയാരും കാണണ്ട-സി.പി.എം സ്തൂപത്തിന് മുന്നില്‍ കൊടിതോരണങ്ങള്‍ ഉയര്‍ത്തി.
തളിപ്പറമ്പ്: പരേതനായ കോണ്‍ഗ്രസ് നേതാവ് കപ്പച്ചേരി നാരായണന്റെ സ്തൂപത്തിന് മുന്നില്‍ സി.പി.എം കൊടി ഉയര്‍ത്തി തോരണങ്ങള്‍ ഉയര്‍ത്തിയതായി പരാതി.
ഇന്ന് രാവിലെയാണ് സംഭവം.
പട്ടുവത്ത് സി.പി.എം പ്രവര്‍ത്തകരുമായി ഏറെക്കാലം കൊമ്പുകോര്‍ത്ത നേതാവാണ് കപ്പച്ചേരി നാരായണന്‍.
കോണ്‍ഗ്രസ് ഉടമസ്ഥതയിലുള്ള സ്ഥലത്ത് നിര്‍മ്മിച്ച സ്തൂപത്തിന് മുന്നിലാണ് ഇന്ന് രാവിലെ സി.പി.എം പ്രവര്‍ത്തകര്‍ കൊടി ഉയര്‍ത്തിയത്.
മന:പൂര്‍വ്വം സംഘര്‍ഷം ഉണ്ടാക്കാനുള്ള ശ്രമത്തിന്റെ ഭാഗമാണിതെന്ന് കപ്പച്ചേരി നാരായണന്റെ മകനും ഡി.സി.സി ജന.സെക്രട്ടെറിയുമായ അഡ്വ.രാജീവന്‍ കപ്പച്ചേരി ആരോപിച്ചു.
കോണ്‍ഗ്രസ് മണ്ഡലം കമ്മറ്റി തളിപ്പറമ്പ് പോലീസില്‍ പരാതി നല്‍കിയിട്ടുണ്ട്.