വീട്ടുമുറ്റത്തെ കിണറ്റില്‍ വീണ ആറംഗ കാട്ടുപന്നിക്കൂട്ടത്തെ വെടിവെച്ചുകൊന്നു
തലശ്ശേരി: വീട്ടുമുറ്റത്തെ കിണറ്റില്‍ വീണ ആറംഗ കാട്ടുപന്നിക്കൂട്ടത്തെ വെടിവെച്ചുകൊന്നു.
എരഞ്ഞോളി ഗ്രാമ പഞ്ചായത്തിലെ വാര്‍ഡ്ആറില്‍ കല്ലങ്കണ്ടി മീനാക്ഷിയും കുടുംബവും താമസിക്കുന്ന വീടിന്റെ വടക്കുഭാഗത്തായുള്ള ചെറിയ ആള്‍മറയോടു കൂടിയ വീട്ടുമുറ്റത്തെ കിണറിലാണ് പന്നികള്‍ വീണത്.
വിവരമറിഞ്ഞ് തല ശ്ശേരി പോലീസ് സ്ഥലത്തെത്തി പരിശോധന നടത്തി.
കിണറിന്റെ വല തകര്‍ന്നാണ് പന്നിക്കൂട്ടം വീണത്. കിണറില്‍ വെള്ളം വളരെ കുറവായിരുന്നു.
കാട്ടില്‍ നിന്നും കൂട്ടംതെറ്റി വന്നതെന്നാണ് സൂചന.
ഉച്ചയോടെ കിണറിനകത്ത് വെച്ചുതന്നെ പന്നികളെ വെടിവെച്ചുകൊന്ന ശേഷം കരയിലെത്തിച്ച് സംസ്‌ക്കരിച്ചു.