നിന്ന നില്‍പ്പില്‍ പോലീസ് സ്റ്റേഷനുകളില് നിന്ന് ഇനി ജില്ലാ പോലീസ് മേധാവിക്ക് പരാതി നല്‍കാം.
തളിപ്പറമ്പ്: പോലീസ് മേധാവിക്ക് നിന്ന നില്‍പ്പില്‍ പരാതി നല്‍കാന്‍ ഇനി ക്യൂ.ആര്‍ കോഡും.
കേരളത്തില്‍ ആദ്യമായി ക്യു.ആര്‍ കോഡ് വഴി ജില്ലാ പോലീസ് മേധാവിക്ക് പൊതുജനങ്ങള്‍ക്ക് നേരിട്ട് പരാതി നല്‍കാം.
പോലീസ് സ്റ്റേഷനുകളില് നല്‍കിയ പരാതികളില്‍ അന്വേഷണം തൃപ്തികരമല്ലെങ്കിലോ, പോലീസ് ഉദ്യോഗസ്ഥരുടെ സമീപനത്തില്‍ പരാതികള്‍ ഉണ്ടെങ്കിലോ സ്റ്റേഷനില്‍ പ്രദര്‍ശിപ്പിച്ചിരിക്കുന്ന ക്യൂ ആര്‍ കോഡ് മൊബൈല്‍ ഫോണില്‍ സ്‌കാന്‍ ചെയ്ത് പരാതിക്കാര്‍ക്ക് നേരിട്ട് ജില്ലാ പോലീസ് മേധാവിക്ക് പരാതി നല്‍കാം.
ഇത് പോലീസ് ആസ്ഥാനത്തെ ഐ.ടി വിഭാഗം വഴി ജില്ലാ പോലീസ് മേധാവിക്ക് ലഭിക്കും.
റൂറല്‍ പോലീസ് ജില്ലയിലെ എല്ലാ പോലീസ് സ്റ്റേഷനിലും ഈ സമ്പ്രദായം ഏര്‍പ്പെടുത്തും.
കേരളത്തില്‍ ആദ്യമായി കണ്ണൂര്‍ റൂറലിലാണ് പദ്ധതി നടപ്പിലാക്കുന്നത്.
ഇതിന്റെ ജില്ലാ തല ഉദ്ഘാടനം ഇന്ന്(വെള്ളി)രാവിലെ 10 ന് റൂറല്‍ ജില്ലാ പോലീസ് മേധാവി എം.ഹേമലത തളിപ്പറമ്പ് പോലീസ് സ്റ്റേഷനില്‍ നിര്‍വ്വഹിക്കും.