ഭിന്നശേഷിക്കാര്‍ക്ക് ക്ഷേത്രദര്‍ശനത്തിനായി വീല്‍ചെയര്‍ സമ്മാനിച്ച് കുഞ്ഞിമംഗലം റോട്ടറി.
പിലാത്തറ: ഭിന്നശേഷിക്കാര്‍ക്ക് ക്ഷേത്രദര്‍ശനത്തിനായി വീല്‍ചെയര്‍ സൗകര്യമൊരുക്കി കുഞ്ഞിമംഗലം റോട്ടറി ക്ലബ്ബ്.
ചെറുതാഴം ഹനുമാരമ്പലത്തിലാണ് വീല്‍ചെയര്‍ ഒരുക്കിയത്.
ഭിന്നശേഷികാരിയും രാഷ്ട്രപതിയുടെ അവാര്‍ഡ് ജേതാവുമായ ലോക പ്രശസ്ത ചിത്രകലാകാരി സുനിത തൃപ്പാണിക്കര ക്ഷേത്ര ട്രസ്റ്റിക്കു വീല്‍ ചെയര്‍ നല്‍കി ഉദ്ഘാടനം നിര്‍വ്വഹിച്ചു.
റോട്ടറി പ്രസിഡന്റ് കെ.വി.രഞ്ജിത്ത്കുമാര്‍ അധ്യക്ഷത വഹിച്ചു.
എ.ജി.രമേശന്‍, ട്രസ്റ്റ് ചെയര്‍മാന്‍ വാരണക്കോട്ടില്ലത്ത് ഹരികൃഷ്ണന്‍, സേവസമിതി സെക്രട്ടറി വി.സി.വേണുഗോപാലന്‍, ഗോകുലനന്ദന്‍, വി.കെ.കരുണാകരന്‍, ശ്രീജേഷ് ഇട്ടമ്മല്‍, ജലേഷ് കോളങ്ങട എന്നിവര്‍ പ്രസംഗിച്ചു.