മെഡിക്കല്‍ കോളജില്‍ രാത്രി ഭക്ഷണമായി ഇനി സി.എച്ച്.സെന്ററിന്റ സ്‌നേഹപൊതി.
പരിയാരം: കണ്ണൂര്‍ ഗവ.മെഡിക്കല്‍ കോളജില്‍ ചികിത്സയില്‍ കഴിയുന്ന രോഗികള്‍ക്കും കൂട്ടിരിപ്പുക്കാര്‍ക്കും ഇനി രാത്രി ഭക്ഷണമായി തളിപ്പറമ്പ് സി എച്ച് സെന്ററിന്റെ സ്‌നേഹ പൊതി.
എല്ലാ ദിവസവും വൈകുന്നേരം 5-മുതല്‍ ആറു മണിവരെ മെഡിക്കല്‍ കോളജ് പരിസരത്ത് ഭക്ഷണം വിതരണം ചെയ്യും.
ചപ്പാത്തിയും വെജിറ്റബില്‍ കറിയുമായിരിക്കും നല്‍കുക.
ഇന്ന് വൈകുന്നേരം മെഡിക്കല്‍ കോളേജ് പരിസത്ത് നടന്ന ചടങ്ങില്‍ സൂപ്രണ്ട് കെ.സുദീപ് ഉദ്ഘാടനം നിര്‍വ്വഹിച്ചു.
സി എച്ച് സെന്റര്‍ ജന.സെക്രട്ടറി അഡ്വ.അബ്ദുല്‍കരീം ചേലേരി അധ്യക്ഷത വഹിച്ചു.
ഇബ്രാഹിം കുട്ടി തിരുവട്ടൂര്‍, കെ.ടി.സഹദുള്ള, അള്ളാംകുളം മഹമ്മൂദ്, പി.വി.അബ്ദുള്‍ഷുക്കൂര്‍, എ.പി.ബദറുദ്ദീന്‍, സിറാജ് മന്ന, അബ്ദുള്ള ഹാജി കുപ്പം, ഹനീഫ ഏഴാമൈല്‍, ഉമര്‍ അരിപാമ്പ്ര, കെ.ടി.പി.സാജിദ്, സഹീദ് പുഴക്കല്‍, ജലീല്‍ പുതിയങ്ങാടി, അമീന്‍, മാനേജര്‍ ഹസൈനാര്‍, നജ്മുദ്ദീന്‍ പിലാത്തറ, മുസ്തഫ അല്‍ഹജ്, ഇസ്മായില്‍ മന്ന, ഫായിസ് കുപ്പം, ബഷീര്‍ പരിയാരം, സീനത്ത് കുപ്പം, ജുമൈല, ഫഹദ് ജംഷാദ് എന്നിവര്‍ സംബന്ധിച്ചു.