ഞാന്‍ ഒറ്റനമ്പര്‍ ലോട്ടറി നടത്തും-ആരാ ചോദിക്കാന്‍- വിസ്മയ രാജന്‍ വീണ്ടും ജയിലിലായി-
തളിപ്പറമ്പ്: ഒറ്റനമ്പര്‍ ലഹരിയായി, വിസ്മയ രാജന്‍ വീണ്ടും ജയിലിലായി.
തളിപ്പറമ്പില്‍ ഒറ്റനമ്പര്‍ ലോട്ടറിയുടെ കേന്ദ്രബിന്ദുവായ മാര്‍ക്കറ്റ്‌റോഡിലെ വിസ്മയ ലോട്ടറി സ്റ്റാള്‍ ഉടമ പുളിമ്പറമ്പിലെ കരിപ്പൂല്‍ പുതിയവീട്ടില്‍ കെ.പി.രാജനെയാണ്(62) തളിപ്പറമ്പ് എസ് ഐ വി.സി.സഞ്ജയ്കുമാറിന്റെ നേതൃത്വത്തില്‍ അറസ്റ്റ് ചെയ്തത്.
വിസ്മയ ലോട്ടറിസ്റ്റാളില്‍ കേരളാ ലോട്ടറിക്ക് സമാന്തരമായി നിമയ വിരുദ്ധമായി അമിദായത്തിനു വേണ്ടി ഒറ്റ നമ്പര്‍ ചൂതാട്ടം നടത്തുന്നതായി രഹസ്യവിവരം ലഭിച്ചതിനെ തുടര്‍ന്നായിരുന്നു രാവിലെ പത്തരയോടെ റെയിഡ് നടത്തിയത്.
ചൂതാട്ടത്തിന് ഉപയോഗിച്ച 3200 രൂപയും ലോട്ടറിനമ്പര്‍ എഴുതിയ തുണ്ടുകളും പോലീസ് പിടിച്ചെടുത്തു.
നേരത്തെ നിരവധി തവണ ഒറ്റനമ്പര്‍ ചൂതാട്ടത്തില്‍ ഏര്‍പ്പെട്ടതിന് രാജനെ പോലീസ് അറസ്റ്റ് ചെയ്തിരുന്നു.
എന്നാല്‍ പോലീസിനെയും നിയമവ്യവസ്ഥകളേയും വെല്ലുവിളിച്ച് ഒറ്റനമ്പര്‍ ചൂതാട്ടം തുടരുകയായിരുന്നു.