പുഷ്പഗിരി സ്വദേശി എം.ഡി.എം.എയുമായി അറസ്റ്റില്‍.
തളിപ്പറമ്പ്: എം.ഡി.എം.എയുമായി പുഷ്പഗിരി സ്വദേശിയായ യുവാവ് അറസ്റ്റില്‍.
പുഷ്പഗിരി സാജ് മഹലില്‍ സഞ്ജീദ് സഈദ്(29)നെയാണ് കണ്ണൂര്‍ റൂറല്‍ പോലീസ് മേധാവി അനൂജ് പലിവാളിന്റെ നേതൃത്വത്തില്‍ പ്രവര്‍ത്തിക്കുന്ന ഡാന്‍സാഫ്ടീമും തളിപ്പറമ്പ് എസ്.ഐ സി.വല്‍സരാജനും സംഘവും ചേര്‍ന്ന് പിടികൂടിയത്.
ഇന്ന് ഉച്ചക്ക് 2.20 ന് കാഞ്ഞിരങ്ങാട് വെച്ചാണ് ഡാന്‍സാഫ് ടീമംഗങ്ങള്‍ ചേര്‍ന്ന് ഇയാളെ തടഞ്ഞുവെച്ച് തളിപ്പറമ്പ് പോലീസ് ഇന്‍സ്‌പെക്ടര്‍ ഷാജി പട്ടേരിയെ വിവരമറിയിച്ചത്.
അദ്ദേഹത്തിന്റെ നിര്‍ദ്ദേശപ്രകാരമാണ് എസ്.ഐ സി.വല്‍സരാജന്‍, ഗ്രേഡ് എസ്.ഐ ജയ്‌മോന്‍ ജോര്‍ജ്, സീനിയര്‍ സി.പി.ഒ എം.എം.നളന്‍ എന്നിവര്‍ ചേര്‍ന്ന് സഞ്ജീദ് സഈദിനെ പിടികൂടിയത്.
കെ.എല്‍-59-ടി 4006 ഇസൂസു കാറിലാണ് പ്രതി ഉണ്ടായിരുന്നത്. ഇയാളില്‍ നിന്ന് 0.933 ഗ്രാം എം.ഡി.എം.എ പിടിച്ചെടുത്തു.