വിളയാങ്കോട് സദാശിവപുരം ക്ഷേത്രോത്സവം കൊടിയേറി

പിലാത്തറ:വിളയാങ്കോട് സദാശിവപുരം ശിവ ക്ഷേത്രോത്സവം കൊടിയേറി.

കലവറ സമര്‍പ്പണത്തിനും ആചാര്യവരണത്തിനും ശേഷം തന്ത്രി കരുമാരത്തില്ലത്ത് വാസുദേവന്‍ നമ്പൂതിരിയുടെ മുഖ്യകാര്‍മ്മികത്വത്തിലാണ് കൊടിയേറ്റ ചടങ്ങുകള്‍ നടന്നത്.

തുടര്‍ന്ന് ഓംകാര്‍ കുഞ്ഞിമംഗലത്തിന്റെ സംഗീതാര്‍ച്ചനയുണ്ടായി.

ബുധനാഴ്ച 12 ന് അക്ഷരശ്ലോകസദസ്, രാത്രി ഏഴിന് തായമ്പക, 7.30 ന് നവനീത് നമ്പൂതിരിയുടെ തിടമ്പ് നൃത്തം ,10 ന് കലാവിരുന്ന് എന്നിവയുണ്ടാകും.

ഞായറാഴ്ച രാവിലെ ആറാട്ട്, കൊടിയിറക്കല്‍, കലശാഭിഷേകം ആറാട്ട് സദ്യ എന്നിവയോടെ സമാപിക്കും